Josue 7:11 - Marahay na Bareta Biblia

¹¹ Nagkasala an Israel! Linapas ninda an sakong tipan na ipinagboot ko sainda. Nagkua sinda kan mga bagay na ipinagboot kong suloon. Hinabon ninda iyan, nagputik manongod kaiyan, asin tinago kaiba kan saindang mga kagamitan.

Josue 7:11 ပူးပေါင်းရင်းမြစ်များ

2 Mga Hade 18:12

Nangyari ini sa Samaria huli ta dai dinangog kan mga Israelita an Kagurangnan na saindang Dios; linapas ninda an saiyang tipan asin an gabos na pagboot ni Moises na sorogoon nin Kagurangnan. Habo sindang maghinanyog asin magkuyog.

2 Mga Hade 5:24

Pag-abot ninda sa bulod saen nag-eerok si Eliseo, kinua ni Gehazi an duwang supot saka ilinaog sa harong. Dangan pinahale niya an mga sorogoon ni Naaman.

Isaias 24:5

Dinigtaan kan mga tawo an daga sa paglapas kan mga togon nin Dios asin sa paglapas kan tipan na daing kasagkoran.

Jeremias 31:32

Bako iyan arog kan tipan na ginibo ko sa saindang mga ginikanan kan kabiton ko sinda saka giyahan paluwas sa Egipto. Maski ako nagin arog sa sarong agom na lalaki sa sainda, dai ninda kinuyog an tipan na idto.

Oseas 6:7

“Alagad pakalaog ninda sa daga duman sa Adan, linapas tolos ninda an tipan.

Levitico 5:15

Kun an sarong tawo dai tuyong magkasala huli sa dai niya pakatao kan mga bayad na banal para sa Kagurangnan, madara siya nin sarong lalaking karnero o kanding na mayo nin kaninan bilang dolot na kabayadan. Aramon nindo an kantidad kaiyan sosog sa kinaugalean na timbang kan santwaryo.

Habakkuk 2:6

Oolog-ologon kan mga nasakop na banwaan an mga nagsakop sainda asin papahilingan kan saindang pagkauyam. Masabi sinda, “Nangungua kamo kan bako saindo, alagad herak man saindo! Sagkod nuarin kamo magpapayaman huli sa pagpirit kan mga nagkautang saindo na magbayad na?”

Zacarias 5:4

Nagtataram an Kagurangnan nin mga hukbo na papaluwason niya an maldisyon na ini, asin malaog iyan sa harong kan lambang mahabon asin lambang parasaksi nin putik; maontok iyan sa saindang mga harong dangan mahale kun gaba na an mga harong.”

Mateo 22:21

Nagsimbag sinda, “Ki Cesar.” Sinabihan sinda ni Jesus, “Kun siring, itao nindo ki Cesar an ki Cesar asin sa Dios an sa Dios.”

Mga Gibo 5:9

Dangan sinabihan siya ni Pedro, “Tadaw ta boot nindong baloon an Espiritu nin Kagurangnan? Yaon na ngunyan sa may pintoan an mga lalaking naglubong kan agom mo; sinda man an mabulig saimo!”

Deuteronomio 17:2

“Halimbawa, sa saro kan saindong mga banwa, igwa nin lalaki o babae na nagkasala sa Kagurangnan asin naglapas kan saiyang tipan

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.

Josue 23:16

Kun dai kamo magkuyog kan tipan na ipinagboot nin Kagurangnan na saindong Dios na sunodon nindo, saka kun maglingkod kamo dangan magsamba sa ibang mga dios, malaad saindo an kaanggotan nin Kagurangnan asin tolos na magagadan kamo, sagkod na mayo nang matada saindo digdi sa marahay na dagang itinao niya saindo.”

Josue 7:1

Alagad dai nasunod an pagboot nin Kagurangnan sa Israel na dai magkua sa Jerico kan mga bagay na susuloon. Sarong lalaki na an ngaran Acan an naglapas kan pagboot na ini, kaya naanggot an Kagurangnan sa mga Israelita. (Si Acan iyo an aki ni Carmi asin makoapo ni Zabdi kan kamaganakan ni Zera kan tribu ni Juda.)

Josue 7:10

Nagtaram an Kagurangnan ki Josue, “Magtindog ka! Ano ta nakadapa kang arog kaiyan?

Hukom 2:20

Dangan naanggot an Kagurangnan sa Israel asin nagtaram, “Dai inotob kan nasyon na ini an tipan na ipinagboot ko sa saindang mga ginikanan. Huli ta dai sinda nagsunod sako,

1 Samuel 14:38

Dangan sinabihan ni Saul an mga lider kan mga tawo, “Madya kamo asin aramon nindo kun anong kasalan an naginibo ngunyan na aldaw.