Josue 6:4 - Marahay na Bareta Biblia

⁴ Mangengenot sa Kaban nin Tipan an pitong padi, na an lambang saro may darang trompeta. Sa ikapitong aldaw, mamartsa ka asin an saimong mga soldados nin pitong beses sa palibot kan syudad mantang pinapatanog kan mga padi an saindang mga trompeta.

Josue 6:4 ပူးပေါင်းရင်းမြစ်များ

Genesis 2:3

Kaya benendisyonan niya asin pinabanal an ikapitong aldaw, huli ta sa aldaw na iyan nagpahingalo siya sa gabos niyang gibo nin paglalang.

1 Mga Hade 18:43

Nagsabi si Elias sa saiyang sorogoon, “Tumukad ka asin tumanaw sa dagat.” Nagtukad an sorogoon saka nagtanaw sa dagat. Dangan nagsabi, “Mayo ako nin nahihiling na anoman.” Pitong beses siyang sinabihan ni Elias na tumukad saka magtanaw sa dagat.

2 Mga Hade 5:10

Pinaluwas ni Eliseo an sarong sorogoon tanganing magsabi, “Lakaw, maghugas ka nin pitong beses sa Salog nin Jordan asin an saimong kublit maoomayan saka magigin malinig.”

2 Mga Hade 5:14

Kaya naglugsot siya sa Jordan, luminadop nin pitong beses, sosog sa tataramon ni Eliseo asin an saiyang kublit nagin siring sa kublit nin sadit na aki; nagin malinig siya.

2 Mga Cronica 13:12

An Dios kaibahan mi asin iyo an samong pamayo; andam an saiyang mga padi sa pagpatanog kan mga trompeta tanganing labanan nyamo kamo. Banwaan nin Israel, hare kamo pagtumang sa Kagurangnan, an Dios kan saindong mga ginikanan, huli ta dai kamo manggagana!”

2 Mga Cronica 20:17

Dai kaipuhan na labanan nindo sinda sa gerang ini. Mag-ontok sana kamo sa tamang lugar, dai maggibo nin anoman asin mahihiling nindo an kapangganahan nin Kagurangnan para saindo. Banwaan nin Juda asin Jerusalem, dai kamo manluya o matakot. Lumuwas kamo sa pakilaban sainda, asin iibahan kamo nin Kagurangnan!”

2 Mga Cronica 20:19

An mga Levita na kaayon sa mga kamaganakan ni Kohat saka ni Kora nagtirindog saka nagkurahaw nin makosog sa pag-omaw sa Kagurangnan, an Dios nin Israel.

2 Mga Cronica 20:21

Pakatapos niyang makihumapot sa mga tawo, pinagbotan niya an mga maawit nin pag-omaw sa Kagurangnan na magsulot kan gubing na pangpyesta, dangan pangenotan an hukbo mantang nag-aawit nin siring: “Omawon an Kagurangnan, huli ta an saiyang pagkamoot nagdadanay sagkod pa man.”

An Libro ni Job 42:8

Kaya ngunyan magkua kamo nin pitong torong baka saka pitong karnero dangan itao nindo ki Job bilang tinutong na atang. Ipapamibi kamo ni Job asin dadangogon ko an saiyang pamibi na dai kamo padusahan nin maninigo sa saindong kamangmangan. Dai nindo itinaram an katotoohan dapit sako arog kan ginibo ni Job.”

Isaias 27:13

Pag-abot kan aldaw na iyan, patatanogon an sarong trompeta tanganing apodon an gabos na Israelita hale sa Asiria saka Egipto na itinapok duman. Madatong sinda asin masamba sa Kagurangnan sa Jerusalem, sa banal niyang bulod.

Levitico 14:16

dangan idodotdot niya digdi an muro kan too niyang kamot asin pitong beses siyang mawirik kaiyan sa atubang nin Kagurangnan.

Levitico 4:6

Idodotdot niya an saiyang muro sa dugo dangan wiwirikan niya nin pitong beses an panlipod na kurtina kan santwaryo.

Zacarias 4:2

Hinapot niya ako, “Ano an nahihiling mo?” Nagsimbag ako, “Sarong bulawan na kandelero na igwang mangko para sa lana sa parteng ibabaw. Igwa man nin pitong ilawan an kandelero, na an lambang saro igwang pitong bugtakan nin mitsa.

Zacarias 4:6

Tinaraman ako kan anghel na itao ki Zerubabel an mensaheng ini na hale sa Kagurangnan: “Magigin mauswag ka, bakong huli sa kosog nin hukbo o huli sa sadiri mong kosog, kundi huli sa sakong espiritu.

Mga Bilang 23:1

Sinabihan ni Balaam si Balak, “Ipatugdok mo ako digdi nin pitong altar, asin darahan mo ako nin pitong torong baka saka pitong lalaking karnero.”

Josue 6:3

Magmartsa ka asin an saimong mga soldados sa palibot kan Jerico sarong beses an aldaw sa laog nin anom na aldaw.

Josue 6:5

Dangan mapatanog sinda nin sarong halawig na tanog. Pagkadangog nindo kaiyan, makurahaw kamo gabos, asin marurumpag an gabos na kudal kan syudad. Dangan malaog sa syudad an bilog na hukbo.”

Kapahayagan 1:20

An kahulogan kan pitong bitoon na nahihiling mo sa too kong kamot, saka ining pitong kandelerong bulawan iyo ini: an pitong bitoon iyo an mga anghel kan pitong simbahan; an pitong kandelero iyo an pitong simbahan.

Kapahayagan 1:4

Ako, si Juan, nagsusurat sa pitong simbahan na yaon sa Asia: Mapasaindo an biyaya asin an katoninongan hale sa Dios—Dios ngunyan, kaidto, asin sa madatong pang panahon—hale man sa pitong espiritu na nasa atubangan kan saiyang trono,

Kapahayagan 10:3

saka nagkurahaw sa makosog na tingog arog sa nag-uungal na leon. Pakakurahaw niya, may pitong daguldol na nagsimbag saiya.

Kapahayagan 15:1

Dangan nakahiling ako nin sarong dakula asin makangalas na tanda sa langit: pitong anghel na may darang pitong peste. Ini an mga huring peste na nagpapahiling kan makuring kaanggotan nin Dios.

Kapahayagan 15:7

Tinawan sinda kan saro kan apat na buhay na linalang nin tigsararong mangkong bulawan na pano kan makuring kaanggotan nin Dios, na nabubuhay sagkod pa man.

Kapahayagan 16:1

Dangan nakadangog ako nin makosog na tingog hale sa templo na nagtataram sa pitong anghel, “Paduman kamo asin iula nindo sa daga an nasa pitong mangko kan kaanggotan nin Dios!”

Kapahayagan 5:1

Nahiling ko sa toong kamot kan nagtutukaw sa trono an sarong libro na pano nin surat mang-ibong-ibong asin igwa nin pitong selyo.

Kapahayagan 5:6

Dangan nahiling ko an Kordero na nakatindog sa pagultanan kan trono asin kan apat na buhay na linalang, sa tahaw kan mga kamagurangan. Nahihiling an tanda na an Kordero ginadan. An Kordero igwa nin pitong sungay saka pitong mata, na iyo an pitong Espiritu nin Dios na ipinadara sa bilog na kinaban.

Kapahayagan 8:2

Dangan nahiling ko an pitong anghel na nagtitindog sa atubang nin Dios; tinawan sinda nin pitong trompeta.

Kapahayagan 8:6

Dangan nag-andam an pitong anghel sa pagpatanog kan saindang pitong trompeta.