Josue 6:26 - Marahay na Bareta Biblia

²⁶ Sa panahon na ini, nagtao si Josue nin sarong patanid: “Mamaldisyonon nin Kagurangnan an siisay man na magpatindog giraray kan syudad nin Jerico. Magagadan an matuang aking lalaki kan siisay man na magbugtak kan pundasyon kan syudad; Magagadan an ngohod na aking lalaki kan siisay man na magpatindog kan mga trangkahan kaiyan.”

Josue 6:26 ပူးပေါင်းရင်းမြစ်များ

1 Mga Hade 16:34

Kan panahon ni Ahab, an Jerico pinatindog giraray ni Hiel na taga Betel. Sosog sa sinabi nin Kagurangnan sa paagi ni Josue na aking lalaki ni Nun, nagadan an mga aking lalaki ni Hiel: an matua niyang aking lalaki na si Abiram nagadan kan ibugtak niya an pundasyon kan Jerico, asin an saiyang ngohod na aking lalaki na si Segub kan patindogon niya an mga trangkahan.

1 Mga Hade 22:16

Alagad sinabihan siya kan hade, “Pirang beses takang pasusumpaon na mayo ka nin itataram sako kundi an katotoohan sa ngaran nin Kagurangnan?”

2 Mga Hade 2:4

Dangan nagsabi si Elias ki Eliseo, “Magpawalat ka digdi, huli ta pinagbotan ako nin Kagurangnan na magduman sa Jerico.” Alagad nagsimbag si Eliseo, “Minasumpa ako huli sa sakong kaimbodan sa buhay na Kagurangnan asin sa saimo, na dai taka babayaan.” Kaya nagpadagos sinda sa Jerico.

Malakias 1:4

Kun magsabi an mga Edomita, an kapagarakian ni Esau, “Rinaot an samong mga banwa, alagad papatindogon mi giraray an mga iyan,” masimbag an Kagurangnan, “Pwede nindang patindogon an mga iyan alagad gagarabaon ko giraray iyan sagkod na apodon sinda kan mga tawo nin ‘An maraot na daga’ asin ‘An Nasyon na naanggotan nin Kagurangnan sagkod lamang.’”

Mateo 26:63

Alagad dai naggirong si Jesus. Sinabihan siya kan Halangkaw na Padi, “Sa ngaran kan buhay na Dios, magsumpa ka: sabihan samo ngunyan kun ika mananggad an Cristo, an Aki nin Dios.”

Mga Gibo 19:13

Nagkapirang Judio na naglilibot asin nagpapaluwas nin mga maraot na espiritu an nangahas na maggamit kan ngaran nin Kagurangnan na Jesus sa pagpaluwas kan mga maraot na espiritu. Sinabihan ninda an mga maraot na espiritu, “Sa ngaran ni Jesus, na ipinaghuhulit ni Pablo, pinagbobotan ko kamong lumuwas.”

Josue 16:7

Hale sa Janoa, minapaibaba sa Atarot asin Naara, minaduta sa Jerico asin minatapos sa Jordan.