Josue 6:25 - Marahay na Bareta Biblia

²⁵ Alagad dai ipinagadan ni Josue an maraot na babaeng si Rahab saka an gabos niyang kadugo, huli ta tinago ni Rahab an duwang espiya na sinugo niya sa Jerico. (Sagkod ngunyan nag-eerok sa Israel an saiyang kapagarakian.)

Josue 6:25 ပူးပေါင်းရင်းမြစ်များ

Mateo 1:5

si Salmon ama ni Boaz (si Rahab an saiyang ina), si Boaz ama ni Obed (si Ruth an saiyang ina), si Obed ama ni Jesse;

Mga Gibo 2:21

Dangan, an siisay man na mag-apod sa ngaran nin Kagurangnan, makakaligtas.’

Hebreyo 11:31

Huli sa pagtubod, si Rahab, an maraot na babae, dai nagadan kaiba kan mga dai nagkuyog sa Dios, huli ta pinadagos niya sa saiyang harong siring sa mga katood an mga espiyang Israelita.

Santiago 2:25

Siring man an nangyari ki Rahab, an maraot na babae. Nagin matanos siya huli kan saiyang mga gibo, kan padagoson niya sa saiyang harong an mga espiyang Israelita dangan tabangan sindang umagi sa ibang dalan paghale ninda.

Josue 2:1

Hale sa kampo sa Sittim, nagpadara si Josue nin duwang espiya asin pinagbotan na hilom nindang siyasaton an Canaan, orog na an syudad kan Jerico. Pag-abot ninda sa syudad, nagdagos sinda sa harong nin sarong maraot na babae na an ngaran Rahab, tanganing duman makitorog.

Josue 2:18

Ini an gibohon mo. Pagsalakay mi sa saindong daga, igakod mo an pulang lubid na ini sa bintanang pinaagihan mo samo. Tiponon mo sa saimong harong an saimong ama, ina, mga tugang sagkod an bilog na pamilya kan saimong ama.

Josue 2:4

“Totoo na may mga lalaking nagdigdi sa sakong harong,” an simbag ni Rahab, “alagad dai ko aram kun mga taga saen sinda. Nagharale sinda pagsolnop kan aldaw, bago sinerahan an trangkahan kan syudad. Dai ko sinda hinapot kun saen sinda maduman, alagad kun lalamagon nindo tolos sinda, maaabotan pa nindo sinda.” (An totoo, dinara ni Rahab sa atop an duwang espiya asin tinago sa irarom kan mga dagami na ibinugtak niya duman.)

Josue 4:9

Nagpatindog man si Josue nin doseng gapo sa tahaw kan Jordan, sa tinindogan kan mga padi na nagdadara kan Kaban nin Tipan. (Sagkod ngunyan yaon pa duman an mga gapong idto.)