Josue 6:23 - Marahay na Bareta Biblia

²³ Kaya nagduman sinda asin ilinuwas ninda si Rahab, kaiba an saiyang ama saka ina, an saiyang mga tugang, sagkod an iba pang kaayon kan saiyang pamilya. Dinara sinda gabos kan mga espiya sa ligtas na lugar harani sa kampo kan Israel.

Josue 6:23 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 18:24

Halimbawa igwa nin sinkwentang matanos sa laog kan syudad, tutunawon mo pa daw iyan? Dai mo daw papatawadon an syudad tanganing ikaligtas an singkwenta?

Genesis 19:29

Alagad kan tunawon nin Dios an mga syudad sa kapantayan na pinag-erokan ni Lot, nagiromdoman nin Dios si Abraham, asin itinugot niyang makaligtas si Lot.

Mga Bilang 31:19

Kamo gabos na nakagadan asin nakakapot nin gadan kaipuhan mag-erok sa luwas kan kampo sa laog nin pitong aldaw. Sa ikatolo asin sa ikapitong aldaw, linigan nindo an saindong sadiri, sagkod an saindong mga bihag.

Mga Gibo 10:28

Nagsabi siya sainda, “Aram nindong dai tugot sa sarong Judio na magdalaw o makiiba sa pagano. Alagad ipinahayag sako nin Dios na dai ko ibilang na maati o bakong maninigong pakiibahan an siisay man.

Mga Gibo 27:24

Sinabihan ako kan anghel, ‘Dai ka matakot, Pablo, huli ta kaipuhan umatubang ka ki Cesar; dahel saimo, ililigtas nin Dios sa kagadanan an gabos na kaiba mo sa barko.’

1 Corinto 5:12

Mayo akong labot na maghukom sa mga bakong paratubod. An Dios sana an mahukom sainda. Alagad bakong kamo an dapat maghukom kan mga kairiba nindo sa simbahan? Siring sa nasasabi sa kasuratan, “Halea nindo sa saindong katiriponan an maraot na tawo.”

Efeso 2:12

Giromdomon nindo na kan panahon na idto, suhay kamo ki Cristo, mga dayuhan saka bakong kaayon sa banwaan na pinili nin Dios. Mayo kamong kabtang kaidto sa mga tipan asin mga panuga nin Dios. Namuhay kamo sa kinaban na ini na mayong paglaom asin mayong Dios.

Hebreyo 11:31

Huli sa pagtubod, si Rahab, an maraot na babae, dai nagadan kaiba kan mga dai nagkuyog sa Dios, huli ta pinadagos niya sa saiyang harong siring sa mga katood an mga espiyang Israelita.

Hebreyo 11:7

Huli sa pagtubod, dinangog ni Noe an mga patanid nin Dios dapit sa mga bagay na mangyayari asin dai pa niya nahihiling. Kinuyog niya an Dios, saka naggibo siya nin arka na maligtas saiya asin kan bilog niyang pamilya. Huli kaini, hinatolan an kinaban asin nagin paramana siya kan katanosan na bunga kan pagtubod.

Josue 2:13

Manuga kamo sako na ililigtas nindo an sakong ama, ina, mga tugang na lalaki saka babae, sagkod an saindang mga pamilya! Dai nindo kami ipagpagadan!”

Josue 2:16

“Magpasiring kamo sa kabubuldan,” an olay niya sainda, “ta tibaad masabat kamo kan mga naglalamag saindo. Magtago kamo duman sa laog nin tolong aldaw sagkod na magbalik sinda; dangan magpadagos na kamo sa saindong paglakaw.”

Josue 2:18

Ini an gibohon mo. Pagsalakay mi sa saindong daga, igakod mo an pulang lubid na ini sa bintanang pinaagihan mo samo. Tiponon mo sa saimong harong an saimong ama, ina, mga tugang sagkod an bilog na pamilya kan saimong ama.

Hukom 1:25

Kaya itinukdo niya sainda an dalan pasiring sa syudad. Dangan ginaradan kan mga tawohan ni Efraim asin ni Manases an gabos na yaon duman sa syudad, alagad dai ninda ginadan an lalaking nagtukdo sainda sagkod an saiyang pamilya.