Josue 6:22 - Marahay na Bareta Biblia

²² Dangan sinabihan ni Josue an duwang lalaki na nagsiyasat kan syudad, “Magduman kamo sa harong kan maraot na babae, asin iluwas nindo siya kaiba an saiyang pamilya, siring sa ipinanuga nindo saiya.”

Josue 6:22 ပူးပေါင်းရင်းမြစ်များ

2 Samuel 21:2

(Bako man sindang mga Israelita kundi sarong sadit na grupo nin mga Amoreo na pinanugaan kan mga Israelita na aatamanon, alagad boot sindang gadanon ni Saul huli kan saiyang pagmakulog sa banwaan nin Israel asin Juda.)

2 Samuel 21:7

Alagad huli kan banal na panuga na ginibo ninda ni Jonatan sa lambang saro, ilinigtas ni David an aki ni Jonatan na si Mefiboset, na makoapo ni Saul.

Salmo 15:4

Ikinakaongis niya an mga isinisikwal nin Dios, alagad ginagalangan niya an mga may pagkatakot sa Kagurangnan. Inootob niya an saiyang panuga anoman an mangyari.

Ezekiel 17:13

Kinua niya an saro sa mga pamilya kan hade, nakipagtipan digdi dangan pinasumpa na ini magigin maimbod saiya. Ginibo niyang bihag an mga ginagalangan na lalaki

Ezekiel 17:16

“Mantang ako an Kagurangnan Dios na buhay, magagadan sa Babilonia an hadeng iyan, huli ta dai niya inotob an saiyang panuga asin an tipan na ginibo niya sa hade nin Babilonia, na nagbugtak saiya sa trono.

Hebreyo 11:31

Huli sa pagtubod, si Rahab, an maraot na babae, dai nagadan kaiba kan mga dai nagkuyog sa Dios, huli ta pinadagos niya sa saiyang harong siring sa mga katood an mga espiyang Israelita.

Josue 6:17

Suloon nindo an gabos na yaon diyan bilang sarong atang sa Kagurangnan. An maraot na babae sanang si Rahab asin an mga kaibahan niya sa harong an bubuhayon nindo huli ta tinago niya an satong mga espiya.

Josue 6:23

Kaya nagduman sinda asin ilinuwas ninda si Rahab, kaiba an saiyang ama saka ina, an saiyang mga tugang, sagkod an iba pang kaayon kan saiyang pamilya. Dinara sinda gabos kan mga espiya sa ligtas na lugar harani sa kampo kan Israel.

Josue 9:15

Nakipagtipan si Josue sa mga taga Gibeon asin tinugotan niya sindang mabuhay. Nagsumpa an mga lider kan banwaan nin Israel na ootobon ninda an tipan.

Hukom 1:25

Kaya itinukdo niya sainda an dalan pasiring sa syudad. Dangan ginaradan kan mga tawohan ni Efraim asin ni Manases an gabos na yaon duman sa syudad, alagad dai ninda ginadan an lalaking nagtukdo sainda sagkod an saiyang pamilya.