Josue 6:21 - Marahay na Bareta Biblia

²¹ Ginadan ninda an gabos na tawo duman, lalaki saka babae, aki asin gurang. Ginadan man ninda an mga baka, karnero sagkod mga asno.

Josue 6:21 ပူးပေါင်းရင်းမြစ်များ

1 Mga Hade 20:42

Dangan sinabihan kan propeta an hade, “Iyo ini an tataramon nin Kagurangnan: ‘Huli ta tinugotan mong makadulag an tawong ipinagboot kong gadanon, buhay mo an kasalihid kan saiyang buhay, banwaan mo an kasalihid kan saiyang banwaan.’”

Jeremias 48:18

Kamong nag-eerok sa Dibon, bumaba kamo hale sa saindong kamurawayan saka magtukaw kamo sa matagas na daga; uya na an marumpag kan Moab asin binayaan niyang raot an mga bantayan.

Deuteronomio 13:16

Darahon nindo asin tambakon sa plasa an gabos na pagsadiri kan mga tawo na nag-eerok duman, dangan suloon nindo an banwa na iyan asin an gabos na yaon duman bilang sarong tinutong na atang sa Kagurangnan na saindong Dios. Papabayaan na rumpag an banwa asin dai na papatindogon giraray sagkod lamang.

Deuteronomio 2:34

Satuyang sinakop saka rinaot an gabos na banwa; ginadan ta an gabos na lalaki, babae sagkod mga aki. Mayo kitang binuhay maski saro.

Deuteronomio 7:16

Gadanon nindo an gabos na banwaan na itatao sa saindong kamot kan Kagurangnan na saindong Dios. Dai kamo maherak sainda asin dai kamo magsamba sa saindang mga dios-dios. Iyan an magigin siod para saindo.

Josue 10:28

Kan aldaw na idto, sinalakay asin sinakop ni Josue an Makkeda asin an hade duman. Ginadan niya an gabos na nasa syudad; mayo siyang itinadang buhay. Ginibo niya sa hade kan Makkeda an ginibo niya sa hade kan Jerico.

Josue 10:39

Sinakop niya an syudad, an hade asin an gabos na kataraed na banwa. Ginadan ninda an lambang saro. Ginibo ni Josue sa Debir asin sa hade duman an ginibo niya sa Hebron, sa Libna, asin sa saindang mga hade.

Josue 11:11

Ginadan kan mga Israelita an mga tawo duman; mayo sindang itinadang buhay, dangan sinulo ninda an syudad.

Josue 11:14

Sinamsam kan mga Israelita an mga mahalagang kagamitan saka an mga hayop sa mga syudad na idto para sa sainda. Alagad ginadan ninda an mga tawo; mayo sindang itinadang buhay.

Josue 8:2

Gigibohon nindo sa Ai asin sa saiyang hade an ginibo nindo sa Jerico saka sa saiyang hade; alagad ngunyan pwede nindong kuahon an saindang mga pagsadiri asin mga hayop. Mag-andam kamo sa biglang pagsalakay sa syudad hale sa likodan.”

Josue 8:22

An mga Israelitang nasa syudad nagruluwas tanganing tabangan sinda. Kaya napalibotan nanggad kan mga Israelita an mga taga Ai. Nagadan gabos an mga taga Ai asin dai nin nakadulag o nakaligtas maski saro sainda.

Josue 9:3

Alagad an ginibo ni Josue sa Jerico asin sa Ai nabaretaan kan mga Heveong taga Gibeon,

Kapahayagan 18:21

Dangan sarong makosog na anghel an nagpurot nin gapo na arog kadakula kan gapong gilingan saka itinapok idto sa dagat, dangan nagsabi, “Arog kaini kakosog an pagbagsak kan dakulang syudad nin Babilonia; dai na nanggad iyan mahihiling.

1 Samuel 15:3

Lakaw asin salakayon mo an mga Amalekita; raoton mo an gabos nindang pagsadiri. Dai ka magtada nin ano man; gadanon mo an gabos na kalalakihan, kababaehan, kaakian asin mga pasuso; an mga baka, karnero, kamelyo, saka asno.’”

1 Samuel 15:8

Nabihag niya si Hadeng Agag kan mga Amalekita asin ginaradan niya an gabos na tawo.