Josue 6:18 - Marahay na Bareta Biblia

¹⁸ Alagad dai kamo magkua kan mga bagay na susuloon. Kun magkua kamo nin ano man, magdadara kamo nin kadimalasan asin kadaogan sa bilog na kampo nin Israel.

Josue 6:18 ပူးပေါင်းရင်းမြစ်များ

2 Samuel 21:1

Kan naghahade na si David, nagkaigwa nin makuring gutom sa laog nin tolong taon. Kaya hinapot ni David an Kagurangnan manongod sa bagay na ini. Nagtaram an Kagurangnan, “Nagkasala nin panggagadan si Saul asin an saiyang pamilya; ginadan niya an mga taga Gibeon.”

Parahulit 9:18

Mas marahay an kadonongan ki sa mga armas nin gera, alagad an sarong parakasala nagraraot nin dakul na karahayan.

Jonas 1:12

Nagsimbag si Jonas, “Itapok nindo ako sa dagat asin maontok iyan. Aram kong ako an dahelan kan pag-abot kan makosog na bagyong ini sa saindo.”

Roma 12:9

Dapat tunay an pagkaminorootan nindo. Ikaongis nindo an karatan asin magdanay kamo sa karahayan.

2 Corinto 6:17

“Kaya bayaan nindo sinda,” an sabi nin Dios, “sumiblag kamo sainda. Dai kamo magduta sa anoman na maati, dangan aakoon ko kamo.

Efeso 5:11

Dai kamo mag-ayon sa mga mayong halagang gibo nin kadikloman, kundi ihayag nindo sa liwanag an mga gibong iyan. (

Deuteronomio 13:17

Dai kamo magtago nin ano man na pinagkondenar na raoton, tanganing dai maanggot kundi maherak saindo an Kagurangnan. Maheherak siya saindo asin papadakulon niya kamo siring sa panuga niya sa saindong mga ginikanan,

Deuteronomio 23:10

Kun an saro saindo magin maati huli ta linuwasan siya kan sadiring banhi pagkabanggi, kaipuhan magluwas siya sa kampo asin duman ngona siya.

Deuteronomio 7:26

Dai nindo pagdarahon sa saindong harong an arin man sa mga dios-dios na iyan, tanganing dai kamo mamaldisyon arog kan mga iyan. Kaongisan nindo an mga ladawan na iyan huli ta minaldisyon sinda nin Kagurangnan.

Santiago 1:27

Sa Dios Ama, an malinig saka mayong digtang pagkamaki-Dios iyo ini: an pagtabang sa mga ilo asin sa mga babaeng balo sa saindang kasakitan, dangan an pag-ingat sa sadiri na dai madigtaan kan kinaban.

Josue 7:1

Alagad dai nasunod an pagboot nin Kagurangnan sa Israel na dai magkua sa Jerico kan mga bagay na susuloon. Sarong lalaki na an ngaran Acan an naglapas kan pagboot na ini, kaya naanggot an Kagurangnan sa mga Israelita. (Si Acan iyo an aki ni Carmi asin makoapo ni Zabdi kan kamaganakan ni Zera kan tribu ni Juda.)

Josue 7:13

Tindog! Pakabanala an mga tawo asin sabihan mo sinda na magpakabanal para sa aga huli ta ako, an Kagurangnan Dios nin Israel, mataram kaini, ‘Israel, sa saindong mga pagsadiri igwa nin mga bagay na ipinagboot kong suloon. Dai kamo makakaatubang sa saindong mga kaiwal sagkod na dai nahahale saindo an mga bagay na iyan!’

Josue 7:15

An siisay man na pilion ko asin makuahan kan mga bagay na ipinagboot kong suloon iyo an tututongon, kaiba an saiyang pamilya sagkod an gabos niyang pagsadiri, huli ta dinarahan niya nin dakulang kasosopgan an Israel asin linapas niya an sakong tipan.”

Josue 7:25

Nagsabi si Josue, “Tano ta dinarahan mo kami nin kasakitan? Ngunyan ika an papasakitan nin Kagurangnan! Kaya ginapo ninda si Acan sagkod na magadan; ginapo man ninda asin sinulo an saiyang pamilya sagkod pagsadiri

1 Juan 5:21

Mga aki, maglikay kamo sa mga dios-dios.

1 Samuel 15:9

Alagad dai ginadan ni Saul asin kan saiyang mga tawohan si Agag; dai man ninda ginaradan an pinakamarahay na mga karnero asin baka, an mga ogbon kan mga baka asin kan mga karnero, saka an gabos na mapapakinabangan; an ginadan sana ninda iyo idtong mga mayo nin pakinabang o halaga.