Josue 6:17 - Marahay na Bareta Biblia

¹⁷ Suloon nindo an gabos na yaon diyan bilang sarong atang sa Kagurangnan. An maraot na babae sanang si Rahab asin an mga kaibahan niya sa harong an bubuhayon nindo huli ta tinago niya an satong mga espiya.

Josue 6:17 ပူးပေါင်းရင်းမြစ်များ

Genesis 12:3

Bebendisyonan ko an mga mabendisyon saimo, Asin isusumpa ko an mga masumpa saimo; Sa paagi mo, bebendisyonan ko man an gabos na nasyon sa daga.

Esdras 10:8

sa pagboot kan mga lider kan banwaan. An siisay man na dai magduman sa laog nin tolong aldaw, eembargohan kan gabos niyang pagsadiri asin dai na ibibilang na kaayon sa komunidad.

Isaias 34:6

An saiyang espada mapapano kan saindang dugo saka taba, arog kan dugo saka taba nin mga kordero asin mga kanding na idinodolot. Idodolot nin Kagurangnan an sakripisyong ini sa syudad nin Bozra; gigibohon niya ining sarong dakulang panggagadan sa daga nin Edom.

Jeremias 46:10

An aldaw na iyan iyo an aldaw kan Kagurangnan Dios nin mga hukbo: an aldaw nin pagbalos niya sa saiyang mga kaiwal. An espada niya makakan sagkod na mabasog, saka iinomon kaini an saindang dugo. Huli ta idinodolot nin Kagurangnan Dios nin mga hukbo an saiyang mga ginadan sa amihan, sa may Salog nin Eufrates.

Ezekiel 39:17

Nagtaram sako an Kagurangnan Dios, “Aki nin tawo, apodon mo an gabos na klase nin gamgam saka hayop tanganing magdigdi hale sa gabos na direksyon, tanganing kakanon an sakripisyo na inaandam ko para sainda. Saro iyan na dakulang bangkete sa kabukidan nin Israel, saen makakan sinda nin laman asin mainom nin dugo.

Levitico 27:21

Sa masunod na Taon nin Katalingkasan an oma magigin permanenteng pagsadiri nin Kagurangnan; masasadirihan iyan kan mga padi.

Mikas 4:13

Nagsasabi an Kagurangnan, “Banwaan nin Jerusalem, lakaw asin padusahan mo an saimong mga kaiwal! Gigibohon takang makosog arog sa sarong torong baka na igwang lansang na sungay saka kuku na bronse. Roronoton mo an dakul na nasyon, asin an kayamanan na saindang kinua sa paagi nin dahas idodolot mo sako, an Kagurangnan kan bilog na kinaban.”

Mateo 25:40

Masimbag an Hade, ‘Sa katotoohan sinasabihan ko kamo, an anoman na ginibo nindo sa saro kan pinakasadit kong mga tugang, ginibo nindo iyan sako!’

1 Corinto 16:22

An siisay man na dai namomoot sa Kagurangnan, maldisyonon man logod! Maranatha—madya, samong Kagurangnan!

1 Corinto 2:7

An kadonongan na ipinaghuhulit ko iyo an hilom na kadonongan nin Dios na itinago alagad itinagama niya para sa satong kamurawayan bago pa lalangon an kinaban.

Galacia 3:10

An mga nagsasarig sa pagkuyog kan Katogonan nasa pag-alaman nin maldisyon. Huli ta nasusurat, “An siisay man na dai naggigibo kan gabos na nasusurat sa libro kan Katogonan nasa pag-alaman nin maldisyon!”

Galacia 3:12

Alagad an Katogonan dai napapatugmad sa pagtubod, huli ta nasusurat, “An tawong naggigibo kan gabos na ipinagboboot kan Katogonan, mabubuhay sa paagi kaiyan.”

Deuteronomio 20:17

Gadanon nindo an gabos na tawo: an mga Heteo, Amoreo, Cananeo, Perezeo, Heveo, saka an mga Jebuseo, siring sa ipinagboot saindo nin Kagurangnan.

Hebreyo 11:31

Huli sa pagtubod, si Rahab, an maraot na babae, dai nagadan kaiba kan mga dai nagkuyog sa Dios, huli ta pinadagos niya sa saiyang harong siring sa mga katood an mga espiyang Israelita.

Hebreyo 6:10

An Dios masuripot. Dai niya malilingawan an mga ginibo nindo asin an pagkamoot na ipinahiling nindo sa mga kapwa Cristiano huli saiya, dangan padagos nindo pang ginigibo.

Santiago 2:25

Siring man an nangyari ki Rahab, an maraot na babae. Nagin matanos siya huli kan saiyang mga gibo, kan padagoson niya sa saiyang harong an mga espiyang Israelita dangan tabangan sindang umagi sa ibang dalan paghale ninda.

Josue 2:1

Hale sa kampo sa Sittim, nagpadara si Josue nin duwang espiya asin pinagbotan na hilom nindang siyasaton an Canaan, orog na an syudad kan Jerico. Pag-abot ninda sa syudad, nagdagos sinda sa harong nin sarong maraot na babae na an ngaran Rahab, tanganing duman makitorog.

Josue 2:22

Nagpasiring sa kabubuldan an mga espiya asin nagtago. Hinanap sinda kan mga tawohan kan hade sa laog nin tolong aldaw alagad dai sinda nakua, kaya nagbalik na an mga ini sa Jerico.

Josue 7:1

Alagad dai nasunod an pagboot nin Kagurangnan sa Israel na dai magkua sa Jerico kan mga bagay na susuloon. Sarong lalaki na an ngaran Acan an naglapas kan pagboot na ini, kaya naanggot an Kagurangnan sa mga Israelita. (Si Acan iyo an aki ni Carmi asin makoapo ni Zabdi kan kamaganakan ni Zera kan tribu ni Juda.)

1 Samuel 15:3

Lakaw asin salakayon mo an mga Amalekita; raoton mo an gabos nindang pagsadiri. Dai ka magtada nin ano man; gadanon mo an gabos na kalalakihan, kababaehan, kaakian asin mga pasuso; an mga baka, karnero, kamelyo, saka asno.’”

1 Samuel 15:6

Nagpatanid siya sa mga Cineo, “Maghale kamo; bayaan nindo an mga Amalekita, tanganing dai kamo makaiba sa paggadan ko sainda, huli ta nagin maboot kamo sa mga Israelita kan mag-abot sinda hale sa Egipto.” Kaya nagharale an mga Cineo.