Josue 6:12 - Marahay na Bareta Biblia

^12-13 Amay na nagbangon si Josue kan sunod na aldaw asin sa ikaduwang beses naglibot sa syudad an mga padi saka an mga soldados arog kan ginibo ninda kan nakaaging aldaw. Nangenot an mga bantay na soldados, nagsunod an pitong padi na nagpapatanog kan pitong trompeta, dangan an mga padi na nagdadara kan Kaban nin Tipan nin Kagurangnan, asin kasunod an mga soldados na panghuri. Sa bilog na paglibot, padagos an pagtanog kan mga trompeta.

Josue 6:12 ပူးပေါင်းရင်းမြစ်များ

Genesis 22:3

Amay pa kan sunod na aldaw, nagputol na si Abraham nin kahoy para sa tinutong na atang, siniyahan an saiyang asno dangan nagduman sa lugar na sinabi saiya nin Dios, kaiba si Isaac asin duwang sorogoon.

Deuteronomio 31:25

Pakatapos, sinabihan niya an mga pading Levita na namamahala kan Kaban nin Tipan nin Kagurangnan,

Josue 3:1

Sunod na aldaw, amay na nagbangon an mga Israelita. Naghale sinda sa Sittim asin nagpasiring sa Jordan. Nagkampo sinda digdi bago nagbalyo.

Josue 6:11

Kaya ipinalibot niya sa syudad an Kaban nin Tipan nin sarong beses. Pakatapos, nagbalik sinda sa kampo asin duman nagpalihis kan banggi.

Hukom 20:19

Kaya kan sunod na aldaw, nagkampo an mga Israelita sa may syudad nin Gibea.