Josue 6:1 - Marahay na Bareta Biblia

¹ Danay na serado asin may bantay an mga trangkahan nin Jerico tanganing dai makalaog an mga Israelita. Mayo nin nakakalaog o nakakaluwas sa syudad.

Josue 6:1 ပူးပေါင်းရင်းမြစ်များ

2 Samuel 10:5

Soropog nang magpuli an mga sugo ni David. Kan naaraman ni David an nangyari, pinasabihan niya sinda na mag-erok ngona sa Jerico asin dai magpuli sagkod na dai pa nagtalubo an saindang mga barabas.

2 Mga Hade 17:4

Alagad nagpadara si Hosea nin mga sugo ki So, an hade nin Egipto sa paghagad nin tabang, asin dai na siya nagbayad kan buhis ki Salmaneser arog kan ginigibo niya taon-taon. Kan maaraman ini ni Salmaneser, ipinadakop niya si Hosea saka ipinabilanggo.

2 Mga Hade 2:4

Dangan nagsabi si Elias ki Eliseo, “Magpawalat ka digdi, huli ta pinagbotan ako nin Kagurangnan na magduman sa Jerico.” Alagad nagsimbag si Eliseo, “Minasumpa ako huli sa sakong kaimbodan sa buhay na Kagurangnan asin sa saimo, na dai taka babayaan.” Kaya nagpadagos sinda sa Jerico.

Salmo 127:1

Kun bakong an Kagurangnan an magpatindog kan harong, masasayang sana an trabaho kan mga nagpapatindog kaiyan. Kun bakong an Kagurangnan an magbantay sa syudad, masasayang sana an pagpupuka kan bantay.

Josue 16:7

Hale sa Janoa, minapaibaba sa Atarot asin Naara, minaduta sa Jerico asin minatapos sa Jordan.

Josue 18:21

An mga syudad na itinao sa mga pamilya kan tribu ni Benjamin iyo an Jerico, Bet-hogla, Emek-keziz,

Josue 2:1

Hale sa kampo sa Sittim, nagpadara si Josue nin duwang espiya asin pinagbotan na hilom nindang siyasaton an Canaan, orog na an syudad kan Jerico. Pag-abot ninda sa syudad, nagdagos sinda sa harong nin sarong maraot na babae na an ngaran Rahab, tanganing duman makitorog.

Josue 2:24

dangan nagsabi, “Daing duwa-duwa na itinao na sato nin Kagurangnan an bilog na daga. Tarakot sato an gabos na tawo duman.”

Josue 2:7

Kaya nagruluwas sa syudad an mga tawohan kan hade, dangan sinerahan an trangkahan. Hinanap ninda an mga Israelita sagkod sa dalan bago magbalyo sa Jordan.

Josue 5:15

Nagsabi saiya an pamayo kan hukbo nin Kagurangnan, “Haleon mo an saimong mga sandalyas, huli ta banal an lugar na saimong natitindogan.” Ginibo ni Josue an ipinagboot saiya.

Josue 6:2

Tinaraman nin Kagurangnan si Josue, “Itinatao ko sa saimong mga kamot an Jerico kaiba an saiyang hade saka maiisog na mga soldados.