Josue 5:10 - Marahay na Bareta Biblia

¹⁰ Mantang nasa Gilgal an mga Israelita duman sa kapatagan na harani sa Jerico, nagselebrar sinda kan Paskwa sa banggi kan ikakatorseng aldaw kan bulan.

Josue 5:10 ပူးပေါင်းရင်းမြစ်များ

2 Samuel 15:28

Duman ako maghahalat sa may sinasangahan kan salog sa kalangtadan sagkod na makaabot sako an bareta hale saimo.”

Exodo 12:11

Kakanon nindo ini nin hidali, asin kaipuhan nakasulot na kamo nin gubing na panlakaw, nakasandalyas asin kapot na an sugkod. Iyo ini an Pyesta kan Paskwa nin Kagurangnan.

Exodo 12:18

Magpoon sa banggi kan ikakatorseng aldaw kan enot na bulan sagkod sa banggi kan ikabeynte y unong aldaw, dai kamo magkakan nin tinapay na igwa nin lebadura.

Exodo 12:6

Aatamanon an mga hayop sagkod sa ikakatorseng aldaw kan bulan. Dangan bago magsolnop an aldaw, an mga hayop buburonoon kan bilog na komunidad.

Jeremias 39:5

Alagad linamag sinda kan hukbo nin Babilonia asin nadakop si Zedekias sa kapantayan na harani sa Jordan. Dinara ninda siya ki Hadeng Nebukadnezzar, na nasa syudad nin Ribla, sa teritoryo nin Hamat; duman itinao ni Nebukadnezzar an padusa saiya.

Ezekiel 12:3

“Kaya ngunyan, aki nin tawo, mag-andam ka nin kagamitan nin sarong itinapok asin maghale ka bago magdiklom. Kaipuhan mahiling kan gabos an saimong paghale pasiring sa ibang lugar. Tibaad pa masabotan ninda na sinda mga rebelde.

Levitico 23:5

“An Paskwa, na ginigibo sa pag-omaw sa Kagurangnan, minapoon sa banggi kan ikakatorseng aldaw kan enot na bulan.

Mikas 6:5

Banwaan ko, giromdoma an plano ni Hadeng Balak nin Moab sa saimo asin kun paano siya sinimbag ni Balaam na aking lalaki ni Beor. Giromdoma an mga pangyayari sa dalan magpoon sa kampo sa Sittim sagkod sa Gilgal. Giromdoma an mga bagay na ini asin maaaraman mo kun ano an ginibo ko tanganing iligtas ka.”

Josue 4:19

Nagbalyo sa Jordan an mga tawo kan ikasampolong aldaw kan enot na bulan, asin nagkampo sinda sa Gilgal, sa sirangan nin Jerico.

Josue 5:11

Kan sunod na aldaw nagkakan sinda kan pagkakan na hale sa Canaan: dinarang na trigo asin tinapay na mayo nin lebadura.

Josue 9:6

Nagduman sinda ki Josue sa kampo sa Gilgal dangan nagsabi saiya asin sa mga kamagurangan kan Israel, “Hale kami sa harayong lugar. Hinahagad ming makipagtipan kamo sa samo.”

1 Samuel 7:16

Taon-taon, naglilibot siya sa mga syudad nin Betel, Gilgal, asin Mizpa tanganing hukoman an mga kaso sa mga lugar na idto.