Josue 5:1 - Marahay na Bareta Biblia

¹ Nabaretaan kan gabos na hadeng Amoreo sa solnopan kan Jordan asin kan mga hadeng Cananeo sa tampi kan Dagat nin Mediteraneo, an ginibo nin Kagurangnan na pagpamara kan Jordan sagkod na makabalyo an bilog na banwaan nin Israel. Nagkatarakot sinda asin nawaraan nin isog huli sa mga Israelita.

Josue 5:1 ပူးပေါင်းရင်းမြစ်များ

Genesis 12:6

nagpadagos pa sa paglakaw si Abram sagkod na makaabot siya sa sagradong kahoy nin More, an banal na lugar sa Shekem. (Kaidtong panahon duman pa nag-eerok an mga Cananeo.)

Genesis 48:22

Itatao ko saimo, asin bako sa mga tugang mo, an Shekem, an matubang na daga na sakong kinua sa mga Amoreo sa paagi kan sakong espada asin pana.”

2 Samuel 21:2

(Bako man sindang mga Israelita kundi sarong sadit na grupo nin mga Amoreo na pinanugaan kan mga Israelita na aatamanon, alagad boot sindang gadanon ni Saul huli kan saiyang pagmakulog sa banwaan nin Israel asin Juda.)

1 Mga Hade 10:5

Nahiling niya an pagkakan sa saiyang lamesa, an mga erokan kan saiyang mga opisyal, an marahay na paglingkod kan saiyang mga sorogoon saka an mga gubing na sulot ninda, an mga naglilingkod sa saiyang lamesa, asin an saiyang mga tinutong na atang na idinodolot niya sa Templo. Nagngalas siya nin marahay sa mga nahiling niya.

Esdras 9:1

Pakatapos na magibo an gabos na ini, dinolok ako kan nagkapirang lider kan banwaan nin Israel dangan sinabihan, “An mga tawo, an mga padi, asin an mga Levita dai nagsuhay sa mga tawo na nag-eerok sa kataraed na mga nasyon nin Ammon, Moab, saka Egipto, o sa mga Cananeo, Heteo, Perezeo, Jebuseo saka Amoreo. Inaarog pa ninda an makauuyam na mga gawe kan mga ini.

Salmo 135:11

Si Sihon, hade kan mga Amoreo, si Og, hade nin Basan, asin an gabos na hade sa Canaan.

Exodo 23:28

Mapadara ako nin mga kutakti na iyo an mapahale sa mga Heveo, Cananeo, asin mga Heteo mantang naglalaog kamo sa saindang daga.

Isaias 41:5

“An mga tawo sa hararayong mga daga nakahiling kan sakong ginibo, kaya pinagtarakigan sinda sa takot. Nagtiripon sinda asin nagdirigdi sinda gabos.

Ezekiel 16:3

Sabihan mo an Jerusalem kun ano an itinataram saiya kan Kagurangnan Dios: “Namundag ka sa daga nin Canaan. Sarong Amoreo an saimong ama asin sarong Hetea an saimong ina.

Ezekiel 21:7

Kun hapoton ka ninda kun tadaw ta nag-aagrangay ka, sabihan mo sinda na ginigibo mo iyan huli kan baretang maabot. Pag-abot kaiyan, matutunaw sa takot an saindang puso, manluluya an saindang mga kamot, mawawara an saindang kosog asin tatakigan an saindang mga tuhod. Nag-abot na an panahon asin uya na.” An Kagurangnan Dios an nagtaram.

Daniel 5:6

Nanlongsi an hade asin natakot nin marahay kaya nagtakig an saiyang mga tuhod.

Amos 2:9

“Alagad, banwaan ko, huli saindo kun kaya pinuho ko an mga Amoreo, an mga lalaking arog kahalangkaw sa mga sedro asin arog kakosog sa mga hamurawon.

Mga Bilang 13:29

An mga Amalekita nag-eerok sa habagat na parte kan daga nin Canaan; an mga Heteo, Jebuseo, asin Amoreo nag-eerok sa mabulod na daga, asin an mga Cananeo nag-eerok sa baybayon kan Dagat nin Mediteraneo dangan sa pangpang kan Salog nin Jordan.”

Josue 17:12

Alagad dai napahale kan kapagarakian ni Manases an mga Cananeo, kaya padagos sindang nag-erok duman.

Josue 17:18

Mapapasaindo an mabulod na daga. Maski iyan sarong kadlagan, hahawanan nindo asin sasadirihon iyan magpoon sa sarong poro sagkod sa ibong na poro. Papahaleon nindo an mga Cananeo maski igwa sinda nin mga karwaheng lansang asin maski makokosog sinda.”

Josue 24:15

Kun habo nindong maglingkod saiya, magpili kamo ngunyan kun siisay an saindong paglilingkodan, an mga dios-dios na dating sinasamba kan saindong mga ginikanan sa Mesopotamia o an mga dios-dios kan mga Amoreo, na an saindang daga iyo an saindong pinag-eerokan ngunyan. Alagad para sako asin para sa sakong pamilya, an Kagurangnan an samong paglilingkodan.”

Josue 3:16

nag-ontok sa pagbulos an tubig asin nagtambak sa harayong lugar, duman sa Adam, an syudad na kataed kan Zaretan. Nag-ontok sa pagbulos paibaba an tubig na pasiring sa Gadan na Dagat, asin nakabalyo harani sa Jerico an mga tawo.

Josue 3:17

Mantang naglalakaw sa mamarang daga an mga Israelita, dai naghale sa tahaw kan nagmarang salog an mga padi na nagpapasan kan Kaban nin Tipan sagkod na nakabalyo an gabos na tawo.

Kapahayagan 18:10

Matindog sinda sa harayo, huli ta takot sindang madamay sa saiyang kasakitan, dangan masabi sinda, “Makangingirhat! Ining dakula saka mapangyaring syudad nin Babilonia! Sa laog nin saro sanang oras nagdatong an padusa mo!”

Hukom 1:1

Pakagadan ni Josue, hinapot an Kagurangnan kan banwaan nin Israel, “Arin sa mga tribu an enot na masalakay sa mga Cananeo?”

Hukom 11:23

Kaya an Kagurangnan, an Dios nin Israel, an nagpahale sa mga Amoreo para sa saiyang banwaan, an mga Israelita.

Hukom 3:3

An mga natada iyo: an limang syudad kan mga Filisteo, an gabos na Cananeo, an mga Sidoneo, an mga Heveo na nag-erok sa Kabukidan nin Lebanon magpoon sa Bukid nin Baal-hermon sagkod sa agihan pasiring sa Hamat.

Hukom 4:2

Kaya ipinasakop sinda nin Kagurangnan ki Jabin, sarong hadeng Cananeo na naghade sa syudad nin Hazor. Si Sisera, na taga Haroset-hagoiim, iyo an pamayo kan saiyang hukbo.

1 Samuel 25:37

Pagkaaga, kan bako nang burat si Nabal, isinabi ni Abigail an gabos. Inatake sa puso si Nabal asin naparalisar siya.