Josue 4:12 - Marahay na Bareta Biblia

¹² Siring sa sinabi sainda ni Moises, enot na nagbalyo sa mga Israelita an mga lalaking hale sa tribu ni Ruben, Gad asin sa kabanga kan tribu ni Manases. Sinda gabos andam sa pakilaban.

Josue 4:12 ပူးပေါင်းရင်းမြစ်များ

Exodo 13:18

Kaya pinalibot niya sinda sa kalangtadan pasiring sa Dagat na Pula, maski andam sinda sa pakilaban pagluwas ninda sa Egipto.

Mga Bilang 32:17

Dangan magigin andam na kaming makigera kaiba an kapwa mi Israelita; mangengenot kami sa pagsalakay sagkod na madara mi sinda sa dagang masasadirihan ninda mantang an samong mga pamilya digdi maerok sa mga nakukudal na banwa, ligtas sa mga nag-eerok sa dagang ini.

Deuteronomio 3:18

“Sinabihan ko sinda kaidto, ‘Itinao saindo nin Kagurangnan na satong Dios ining daga tanganing saindong sakopon. Ngunyan tawan nindo nin armas an saindong mga parapakilaban asin ipadara nindo sa ibong kan Jordan, tanganing mangenot sa ibang mga tribu nin Israel asin tabangan sinda sa pagsakop kan saindang daga.

Deuteronomio 33:21

Kinua niya an pinakamarahay na parte kan daga; kahirasan nin sarong namamayo an napasaiya. Kinuyog niya an mga pagboot nin Kagurangnan saka mga togon, kan an mga lider nin Israel magkatiripon.”

Josue 1:14

Mawawalat digdi an saindong mga agom, mga aki sagkod mga hayop, alagad mabalyo an saindong mga soldados, dara an saindang mga armas asin papangenotan ninda saka tatabangan an kapwa ninda Israelita,

Josue 4:11

Kan nasa ibong na sinda gabos, nangenotan sa mga tawo an mga pading nagdadara kan Kaban nin Tipan nin Kagurangnan.

Josue 4:13

Sa atubang nin Kagurangnan, maabot sa kwarenta mil na lalaki na andam sa pakilaban an buminalyo pasiring sa kapatagan nin Jerico.