Josue 3:8 - Marahay na Bareta Biblia

⁸ Sabihan mo an mga pading nagdadara kan Kaban nin Tipan na pag-abot ninda sa salog, maontok sinda sa tubig, harani sa pangpang.”

Josue 3:8 ပူးပေါင်းရင်းမြစ်များ

2 Mga Hade 2:6

Dangan nagsabi si Elias ki Eliseo, “Magpawalat ka digdi, huli ta pinagbotan ako nin Kagurangnan na magduman sa Salog nin Jordan.” Alagad nagsimbag si Eliseo, “Minasumpa ako huli sa sakong kaimbodan sa buhay na Kagurangnan asin sa saimo, na dai taka babayaan.” Kaya nagpadagos sinda sa paglakaw,

2 Mga Cronica 29:15

Tinipon kan mga lalaking ini an kapwa ninda mga Levita asin naglinig sinda kan saindang sadiri. Dangan sa pagboot kan hade, lininigan ninda an Templo sosog sa Katogonan nin Kagurangnan.

2 Mga Cronica 29:27

Dangan nagboot si Hadeng Ezekias na idolot sa altar an mga tinutong na atang. Pagpoon kan pagdolot, nag-awit nin pag-omaw sa Kagurangnan an mga tawo, kasabay an tanog kan mga trompeta asin kan ibang mga instrumento nin musika.

2 Mga Cronica 29:30

An mga Levita pinagbotan kan hade asin kan mga lider na awiton sa Kagurangnan an mga awit nin pag-omaw na sinurat ni David asin kan propeta na si Asaf. Nag-awit an gabos sa dakulang kaogmahan mantang nakadukong nagsasamba sa Dios.

2 Mga Cronica 30:12

Pinangyari nin Dios na magkasararo an mga taga Juda sa pagkuyog kan saiyang kabotan huli sa pagsunod kan pagboot kan hade asin kan mga opisyal kaini.

Nehemias 13:22

Pinagbotan ko an mga Levita na maglinig kan sadiri dangan magduman saka magbantay sa mga trangkahan tanganing mapabanal nanggad an Sabbath. Giromdoma ako, Dios ko, para sa bagay na ini, asin iligtas mo ako sosog sa kadakulaan kan danay mong pagkamoot.

Nehemias 13:28

Si Jehoiada na aki ni Eliasib na Halangkaw na Padi, igwa nin sarong aki na nag-agom sa aking babae ni Sanballat na taga Bet-horon, kaya pinahale ko si Jehoiada sa Jerusalem.

Exodo 14:13

Nagsimbag si Moises, “Dai kamo matakot! Dai kamo maghiro! Hilingon nindo kun ano an gigibohon nin Kagurangnan tanganing iligtas kamo ngunyan; dai na nindo mahihiling an mga Egipciong iyan sagkod pa man.

Mga Panambitan 3:26

Kaya marahay para sa sato an maghalat na may pakatios— an maghalat sa saiya tanganing iligtas kita—

Josue 3:17

Mantang naglalakaw sa mamarang daga an mga Israelita, dai naghale sa tahaw kan nagmarang salog an mga padi na nagpapasan kan Kaban nin Tipan sagkod na nakabalyo an gabos na tawo.

Josue 3:3

dangan nagsabi sa mga tawo, “Kun mahiling nindo an mga padi na dara an Kaban nin Tipan nin Kagurangnan na saindong Dios, tiriklopon na nindo an saindong mga tolda asin magsunod kamo sainda.

Josue 3:7

Nagtaram an Kagurangnan ki Josue, “Huli sa gigibohon ko ngunyan, an mga Israelita mapoon sa pagmidbid saimo bilang dakulang tawo, asin maaaraman ninda na kaibahan mo ako siring na inibahan ko si Moises kaidto.

Josue 3:9

Dangan sinabihan ni Josue an mga tawo, “Magdirigdi kamo asin dangoga nindo an itataram nin Kagurangnan na saindong Dios.

Josue 4:11

Kan nasa ibong na sinda gabos, nangenotan sa mga tawo an mga pading nagdadara kan Kaban nin Tipan nin Kagurangnan.