Josue 3:5 - Marahay na Bareta Biblia

⁵ Sinabihan ni Josue an mga tawo, “Magrilinig kamo, huli ta sa aga magibo an Kagurangnan nin mga ngangalasan sa atubang nindo.”

Josue 3:5 ပူးပေါင်းရင်းမြစ်များ

An Libro ni Job 1:5

Pagkaaga, kun tapos na an bangkete, amay na minabangon si Job asin minadolot nin mga sakripisyo para sa lambang aki niya tanganing mapabanal sinda. Danay na ginigibo niya ini ta nagsaboot siya na tibaad nagkasala an saro sainda sa dai tinutuyong pag-olog-olog sa Dios.

Salmo 77:15

Huli kan saimong kapangyarihan ilinigtas mo an saimong banwaan, an kapagarakian ni Jacob asin ni Jose.

Salmo 86:10

Dakula ka asin naggigibo nin mga ngangalasan; ika sana nanggad an Dios.

Joel 2:16

Tipona an mga tawo; andama sinda sa sarong banal na pagtiripon; tipona an mga gurang, kaakian asin an mga pasosong omboy. Maski an mga bago pa sanang kasalon kaipuhan na magluwas sa saindang kwarto dangan magduman.

Levitico 10:3

Dangan sinabihan ni Moises si Aaron, “Iyo ini an itinaram nin Kagurangnan, ‘An gabos na naglilingkod sako, kaipuhan maggalang kan sakong kabanalan; ipapahiling ko an sakong kamurawayan sa sakong banwaan.’” Dai naggirong si Aaron.

Levitico 20:7

Kaya magpakabanal kamo huli ta ako an Kagurangnan na saindong Dios.

Mga Bilang 11:8

Kun banggi, minahugpa iyan sa kampo kaiba kan ambon. Pagkaaga, pinupurot iyan kan mga Israelita, ginigiling o binabayo tanganing magin arina, dangan linalabonan asin ginigibong tinapay. An namit kaiyan garo tinapay na sinalakan nin lana nin oliba.)

Juan 17:19

Huli sa sainda, kinokonsagra ko an sakong buhay, tanganing sinda man makonsagra sa katotoohan.

Josue 3:13

Sa oras na magtungtong na sa tubig an mga padi na nagdadara kan Kaban nin Tipan nin Kagurangnan kan bilog na daga, maontok sa pagbulos an Salog nin Jordan, asin matambak sa sarong lugar an tubig na nagbubulos paibaba.”

Josue 3:4

Dai pa kamo nakadigdi kaidto, kaya sinda an matukdo saindo kan dalan. Alagad dai kamo magrani sa Kaban nin Tipan; magpahuri kamo nin mga sarong kilometro.”

Josue 3:6

Dangan sinabihan niya an mga padi na pasanon an Kaban nin Tipan asin mag-enot sa mga tawo. Sinunod siya ninda.

Josue 7:13

Tindog! Pakabanala an mga tawo asin sabihan mo sinda na magpakabanal para sa aga huli ta ako, an Kagurangnan Dios nin Israel, mataram kaini, ‘Israel, sa saindong mga pagsadiri igwa nin mga bagay na ipinagboot kong suloon. Dai kamo makakaatubang sa saindong mga kaiwal sagkod na dai nahahale saindo an mga bagay na iyan!’

1 Samuel 16:5

“Iyo,” an simbag ni Samuel. “Nagdigdi ako tanganing magdolot nin sakripisyo sa Kagurangnan. Maglinig kamo kan saindong sadiri asin mag-iba sako.” Sinabihan man niya si Jesse asin an mga aking lalaki kaini na maglinig kan saindang sadiri saka inalok niya sinda sa pagsakripisyo.