Josue 3:11 - Marahay na Bareta Biblia

¹¹ kun nagbabalyo na sa Jordan sa enotan nindo an Kaban nin Tipan kan Kagurangnan kan bilog na daga.

Josue 3:11 ပူးပေါင်းရင်းမြစ်များ

1 Mga Cronica 29:11

Saimo an kadakulaan, an kapangyarihan, an kamurawayan, an kapangganahan asin an kamahalan, huli ta saimo an gabos na nasa langit asin daga. Saimo an kahadean, O Kagurangnan, asin ika an nangongorog na kagsakop kan gabos.

An Libro ni Job 41:11

Siisay an pwedeng magsalakay saiya asin magigin ligtas pa? Mayo nin siisay man sa bilog na kinaban na makakagibo kaiyan.

Salmo 24:1

Sadiri nin Kagurangnan an kinaban asin an kapanoan kaiyan, an daga saka an gabos na nag-eerok diyan;

Salmo 97:5

An mga bukid natutunaw siring sa taro sa atubang nin Kagurangnan, sa atubang nin Kagurangnan kan bilog na daga.

Isaias 3:12

Inaapi nin mga usurero an sakong banwaan; dinadaya sinda kan parapautang. Banwaan ko, linalagalag ka kan saimong mga pamayo, kaya dai mo aram an saimong dalan.

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Jeremias 10:7

Siisay an dai matatakot saimo, O Hade kan mga nasyon? Maninigo kang katakotan. Mayo nin makakaarog saimo sa gabos na madodonong sa mga nasyon, o sa arin man sa saindang mga hade.

Mikas 4:13

Nagsasabi an Kagurangnan, “Banwaan nin Jerusalem, lakaw asin padusahan mo an saimong mga kaiwal! Gigibohon takang makosog arog sa sarong torong baka na igwang lansang na sungay saka kuku na bronse. Roronoton mo an dakul na nasyon, asin an kayamanan na saindang kinua sa paagi nin dahas idodolot mo sako, an Kagurangnan kan bilog na kinaban.”

Sofonias 2:11

Tatakoton sinda nin Kagurangnan. Hahalean niya nin halaga an mga dios-dios kan daga, dangan sasambahon siya kan lambang nasyon, an lambang saro sa sadiri niyang daga.

Zacarias 14:9

Dangan paghahadean nin Kagurangnan an bilog na daga; sasambahon siya kan gabos bilang Dios asin mamimidbidan siya sa siring na ngaran.

Zacarias 4:14

Dangan nagsabi siya, “Iyo iyan an duwang lalaking pinili nin Dios asin linahidan tanganing maglingkod saiya, an Kagurangnan kan bilog na kinaban.”

Zacarias 6:5

Nagsimbag siya, “An mga iyan iyo an apat na doros; nag-abot pa sana sinda hale sa atubangan nin Kagurangnan kan bilog na kinaban.”

Deuteronomio 9:3

Alagad ngunyan na aldaw mahihiling nindo na mangengenot saindo an Kagurangnan na saindong Dios siring sa sarong nakakatutong na kalayo. Sa pagdangadang nindo, dadaogon niya sinda tanganing madali nindo sindang mapahale asin magadan siring sa ipinanuga niya.

Josue 3:13

Sa oras na magtungtong na sa tubig an mga padi na nagdadara kan Kaban nin Tipan nin Kagurangnan kan bilog na daga, maontok sa pagbulos an Salog nin Jordan, asin matambak sa sarong lugar an tubig na nagbubulos paibaba.”