Josue 3:1 - Marahay na Bareta Biblia

¹ Sunod na aldaw, amay na nagbangon an mga Israelita. Naghale sinda sa Sittim asin nagpasiring sa Jordan. Nagkampo sinda digdi bago nagbalyo.

Josue 3:1 ပူးပေါင်းရင်းမြစ်များ

Genesis 21:14

Kaya amay pa kan sunod na aldaw, tinawan si Hagar ni Abraham nin pagkakan asin nin sarong laogan na anit na pano nin tubig. Dangan ibinugtak ni Abraham an aki sa likod kan ina asin pinahale na ini. Naghale si Hagar asin nagparalakaw sa kalangtadan nin Beer-sheba.

Genesis 22:3

Amay pa kan sunod na aldaw, nagputol na si Abraham nin kahoy para sa tinutong na atang, siniyahan an saiyang asno dangan nagduman sa lugar na sinabi saiya nin Dios, kaiba si Isaac asin duwang sorogoon.

Salmo 119:60

Naghihidali ako asin dai nag-aabala sa pag-otob kan saimong mga kabotan.

Jeremias 25:3

“Sa laog nin beynte y tres na taon, magpoon kan ikatreseng taon kan paghahade sa Juda ni Josias na aking lalaki ni Amon sagkod sa aldaw na ini, nagtaram sako an Kagurangnan, asin dai ako nagpabaya sa pagsabi saindo kan itinaram niya. Alagad dai kamo naghinanyog.

Jeremias 26:5

asin sa paagi nin paghinanyog sa mga tataramon kan sakong mga sorogoon, an mga propeta, na danay kong ipinapadara sa saindo. Dai nanggad nindo kinuyog an mga itinaram ninda.

Jeremias 7:13

Ginibo nindo an mga kasalan na ini, asin maski maigot ko kamong kinaolay, dai kamo naghinanyog. Habo kamong magsimbag kan apodon ko kamo.

Mikas 6:5

Banwaan ko, giromdoma an plano ni Hadeng Balak nin Moab sa saimo asin kun paano siya sinimbag ni Balaam na aking lalaki ni Beor. Giromdoma an mga pangyayari sa dalan magpoon sa kampo sa Sittim sagkod sa Gilgal. Giromdoma an mga bagay na ini asin maaaraman mo kun ano an ginibo ko tanganing iligtas ka.”

Mga Bilang 25:1

Kan magkampo sa Sittim an mga Israelita, nagpoon na makidorog an mga lalaki sa mga babaeng Moabita na yaon duman.

Markos 1:35

Kan sunod na aldaw, haloy pa bago magsirang an aldaw, nagbangon na si Jesus dangan naghale sa harong. Nagpasiring siya sa lugar na mayong tawo dangan namibi duman.

Josue 2:1

Hale sa kampo sa Sittim, nagpadara si Josue nin duwang espiya asin pinagbotan na hilom nindang siyasaton an Canaan, orog na an syudad kan Jerico. Pag-abot ninda sa syudad, nagdagos sinda sa harong nin sarong maraot na babae na an ngaran Rahab, tanganing duman makitorog.

Josue 6:12

Amay na nagbangon si Josue kan sunod na aldaw asin sa ikaduwang beses naglibot sa syudad an mga padi saka an mga soldados arog kan ginibo ninda kan nakaaging aldaw. Nangenot an mga bantay na soldados, nagsunod an pitong padi na nagpapatanog kan pitong trompeta, dangan an mga padi na nagdadara kan Kaban nin Tipan nin Kagurangnan, asin kasunod an mga soldados na panghuri. Sa bilog na paglibot, padagos an pagtanog kan mga trompeta.

Josue 6:15

Sa ikapitong aldaw, nagbangon sinda kan nagliliwanag na an kaagahon asin nagmartsa nin pitong beses sa palibot kan syudad sa siring man na paagi; iyo sana ini an aldaw na naglibot sinda sa syudad nin pitong beses.

Josue 7:16

Kaya sunod na aldaw, amay na nagbangon si Josue dangan pinadolok an bilog na Israel sosog sa saindang tribu, asin napili an tribu ni Juda.

Josue 8:10

Amay na nagbangon si Josue asin tinipon an mga soldados. Dangan pinangenotan niya sinda sagkod an mga lider nin Israel pasiring sa Ai.

Hukom 20:19

Kaya kan sunod na aldaw, nagkampo an mga Israelita sa may syudad nin Gibea.

1 Samuel 17:20

Sunod na aldaw, amay na nagbangon si David, pinabantayan sa iba an mga karnero, dinara an pagkakan asin naglakaw siring kan ipinagboot saiya ni Jesse. Nag-abot sa kampo si David mantang nagpapasiring sa saindang pwesto an mga Israelita asin nagkukurahaw nin pakigera.