Josue 24:33 - Marahay na Bareta Biblia

³³ Nagadan man si Eleazar na aking lalaki ni Aaron asin ilinubong siya sa Gibea, an banwang nasa mabulod sa daga nin Efraim na itinao sa saiyang aking lalaki na si Finehas.

Josue 24:33 ပူးပေါင်းရင်းမြစ်များ

2 Samuel 20:21

Bakong iyan an sakong plano. Alagad sarong lalaki na an ngaran Sheba, na aki ni Bikri asin hale sa mabulod na daga nin Efraim, an nagtumang ki Hadeng David. Isuko nindo siya, asin mahale na ako sa syudad na ini.” Nagsimbag an babae, “Itatapok mi sa ibong kan kudal an saiyang payo pasiring diyan.”

1 Mga Hade 4:8

Iyo ini an mga ngaran kan doseng gobernador asin an mga distritong pinamahalaan ninda: Ben-hur: an mabulod na daga nin Efraim

2 Mga Hade 5:22

“Mayo man,” an simbag ni Gehazi. “Alagad sinugo ako kan sakong kagurangnan tanganing taraman ka na nag-abot pa sana an duwang kaayon sa grupo nin mga propeta hale sa mabulod na daga nin Efraim. Boot niya na tawan mo sinda nin tolong ribong pedaso nin plata asin duwang magayon na gubing.”

Esdras 7:5

Si Bukki aki ni Abisua, na aki ni Finehas, na aki ni Eleazar, na aki ni Aaron, an Halangkaw na Padi.

An Libro ni Job 30:23

Aram kong dadarahon mo ako sa sakong kagadanan, an huring padudumanan kan gabos na nabubuhay.

Salmo 49:10

Mahihiling niya na maski an madonong na tawo nagagadan, siring man an mga lolong asin mga mangmang. Iwawalat ninda an saindang kayamanan sa saindang kapagarakian.

Exodo 6:23

Inagom ni Aaron si Eliseba na aki ni Amminadab asin tugang ni Nason; nagin mga aki ninda si Nadab, Abihu, Eleazar saka Itamar.

Exodo 6:25

Inagom ni Eleazar na aking lalaki ni Aaron an saro sa mga aking babae ni Putiel. Nagin aki ninda si Finehas. Ini an mga namamayo kan mga pamilya saka kan mga kamaganakan kan mga tribu ni Levi.

Zacarias 1:5

Gadan na an saindong mga ginikanan saka idtong mga propeta.

Mga Bilang 3:32

Si Eleazar na aking lalaki ni Aaron iyo an magigin pamayo kan mga Levita. Siya an mamamahala sa mga tawong may katongdan sa Banal na Lugar.

Mga Gibo 13:36

Inotob ni David sa saiyang panahon an kabotan nin Dios. Pakatapos, nagadan siya dangan ilinubong sa lugar na linubongan kan saiyang mga ginikanan. An saiyang hawak nalapa,

Hebreyo 7:24

Alagad huli ta si Jesus nabubuhay sagkod lamang, an saiyang pagkapadi yaon saiya sagkod pa man.

Josue 14:1

An masunod iyo an istorya kun paano binanga sa mga Israelita an daga nin Canaan sa solnopan kan Salog nin Jordan. Binaranga idto sa mga tawo kan padi na si Eleazar, ni Josue na aki ni Nun, asin kan mga lider kan mga pamilya kan mga tribu nin Israel.

Josue 22:13

Sinugo kan mga Israelita si Finehas, na aki ni Eleazar na padi, na magduman sa Gilead sa mga tribu ni Ruben, Gad, asin sa kabangang tribu ni Manases.

Hukom 17:8

Naghale siya sa Betlehem tanganing maghanap nin ibang lugar na maeerokan. Sa paglakaw niya, nakaabot siya sa harong ni Micas duman sa mabulod na daga nin Efraim.

Hukom 18:13

Hale duman, nagpasiring sinda sa harong ni Micas na nasa mabulod na daga nin Efraim.

1 Samuel 1:1

Igwa kaidto nin sarong lalaki na gikan sa tribu ni Efraim, na an ngaran Elkana, na nag-erok sa banwa nin Rama sa mabulod na daga nin Efraim. Si Elkana aking lalaki ni Jeroham na aking lalaki ni Elihu, na aking lalaki ni Tohu, na aking lalaki ni Suf, na sarong Efraimita.

1 Samuel 9:4

Nalibot ninda an mabulod na daga nin Efraim asin an daga nin Salisa, alagad dai ninda nakua an mga asno; kaya nagpadagos sinda sa daga nin Saalim, alagad mayo man duman an mga asno. Dangan naghanap sinda sa daga ni Benjamin, alagad dai man ninda nakua duman.