Josue 24:31 - Marahay na Bareta Biblia

³¹ Mantang nabubuhay pa si Josue, naglingkod sa Kagurangnan an mga Israelita asin pagkagadan niya, nagpadagos sinda sa paglingkod sa Kagurangnan mantang nabubuhay pa an mga lider na nakahiling kan gabos na ginibo nin Kagurangnan para sa Israel.

Josue 24:31 ပူးပေါင်းရင်းမြစ်များ

Genesis 14:10

Sa Kapantayan nin Siddim kadakul an mga kalot na igwang aspalto, kaya kan magdulag sa ralaban an mga hade kan Sodoma asin Gomorra, nahulog sinda duman; alagad an tolong hade nakadulag sa kabubuldan.

2 Mga Cronica 24:2

Ginibo niya an matanos sa atubangan nin Kagurangnan mantang buhay pa an padi na si Jehoiada.

2 Mga Cronica 34:33

Sa gabos na lugar na sadiri kan banwaan nin Israel, rinaot ni Josias an makauuyam na mga ladawan kan mga dios-dios, dangan sa gabos na aldaw nin saiyang pagkabuhay, pinagbotan niya an mga tawo na maglingkod sa Kagurangnan, an Dios nin saindang mga ginikanan.

Mga Gibo 20:29

Aram ko na pakahale ko, lalaogon kamo nin mababangis na lobo asin dai ninda paliligtason an mga karnero ko.

Deuteronomio 11:2

Giromdoma nindo ngunyan an nanodan nindo manongod sa Kagurangnan, huli sa mga nangyari saindo. Kamo asin bako an saindong mga aki an nag-agi kan siring na mga eksperyensya. Nahiling nindo an kadakulaan nin Kagurangnan, an saiyang kapangyarihan asin kosog,

Deuteronomio 11:7

Kamo an nakahiling kaining mga darakulang bagay na ginibo nin Kagurangnan.

Deuteronomio 31:13

Sa paaging ini, an saindong mga kapagarakian na dai pa nakadangog kan Togon nin Kagurangnan na saindong Dios, makakadangog man asin makakanood na matakot saiya, sagkod na nabubuhay pa sinda sa ibong kan Jordan, sa daga na saindong sasadirihon.”

Deuteronomio 31:29

Aram kong pagkagadan ko, magigin maraot an banwaan na ini, asin isisikwal ninda an itinukdo ko sainda. Sa maabot na aldaw, maraot an mangyayari sainda, huli ta papaanggoton ninda an Kagurangnan huli sa paggibo kan mga bagay na ipinapangalad niya.”

Filipos 2:12

Kaya, namomotan kong mga tugang, kun kaidtong kaiba nindo ako, danay nindo akong kinukuyog, orog nang magkuyog kamo sako ngunyan na harayo ako saindo. Magtrabaho kamo na may pagkatakot saka pagtakig sagkod na makamtan nindo an saindong kaligtasan,

Hukom 2:10

Nagkagaradan an gabos na kabilang sa henerasyon na idto, asin an bagong henerasyon dai nakamidbid sa Kagurangnan asin kan mga ginibo niya para sa Israel.

Hukom 2:6

Isinubol ni Josue an banwaan nin Israel asin an lambang saro naglakaw tanganing sadirihon an saiyang nagin kahirasan.

Hukom 2:7

Mantang buhay pa si Josue, naglingkod sa Kagurangnan an bilog na Israel, asin maski kan magadan na siya, padagos man giraray sinda sa paglingkod mantang mga buhay pa an saindang mga lider na nakahiling kan dakulang ngangalasan na ginibo nin Kagurangnan para sa Israel.