Josue 24:27 - Marahay na Bareta Biblia

²⁷ Sinabihan niya an gabos na tawo, “An gapong ini iyo an satong saksi. Nadangog kaini an gabos na itinaram sato nin Kagurangnan. Kaya magigin saksi ini laban saindo, tanganing dai kamo magtumang sa saindong Dios.”

Josue 24:27 ပူးပေါင်းရင်းမြစ်များ

An Libro ni Job 31:23

Huli ta natatakot ako sa padusa nin Dios, dai ko nanggad magigibo an siring.

An Libro ni Job 31:28

ini man sarong kasalan na dapat padusahan kan mga hukom, huli ta dai ako nagin maimbod sa Dios na nasa kaitaasan.

Mga Talinhaga 30:9

Kun ako magyaman tibaad makapagsabi ako na dai taka kaipuhan. Alagad kun ako magin dukha, tibaad manghabon ako asin matawan ko nin kasosopgan an sakong Dios.

Isaias 1:2

Pagdangog, O kalangitan, asin paghinanyog, O daga; huli ta nagtaram an Kagurangnan, “Nagpadakula ako nin mga aking lalaki, alagad nagrebelde sinda tumang sako.

Isaias 59:13

Tinumangan mi ika, isinikwal, asin dai sinunod. Inapi mi an iba asin tinalikodan mi ika. Mayong katotoohan an samong mga iniisip; gabos kaputikan an samong mga itinataram.

Habakkuk 2:11

Maski an mga gapo sa mga kudal, nagkukurahaw laban saindo, asin sinisimbag iyan kan mga kahabaan.

Mga Bilang 11:20

kundi para sa sambulan, sagkod na magluwas iyan sa saindang dungo dangan mauyam sinda. Ini an mangyayari huli ta isinikwal ninda ako na kaiba ninda asin nagsabi sinda na marahay pang dai na sinda naghale sa Egipto.”

Mateo 10:33

Alagad an siisay man na magnegar sako sa atubang nin mga tawo, nenegaran ko man sa atubang nin sakong Ama sa langit.

Lukas 19:40

Sinimbag sinda ni Jesus, “Sinasabihan ko kamo, kun dai sinda maggirong, an mga gapo na an makurahaw.”

Deuteronomio 30:19

Pinapapili ko kamo ngunyan: sa buhay o sa kagadanan, sa bendisyon nin Dios o sa maldisyon niya. Inaapodan ko ngunyan an langit saka an daga na magsaksi sa gigibohon nindong pagpili. Pilion nindo an buhay, tanganing mabuhay kamo asin an saindong mga kapagarakian.

Deuteronomio 31:19

“Ngunyan isurat mo an awit na ini, dangan itukdo mo sa banwaan nin Israel, tanganing iyo ini an magsaksi para sako laban sainda.

Deuteronomio 31:21

kaya dakul na karatan saka kahaditan an maabot sainda. Alagad aawiton man giraray an awit na ini, asin ini an magsasaksi laban sainda (huli ta padagos ining magigiromdoman kan saindang mga kapagarakian). Maski ngunyan, bago ko sinda darahon sa daga na sakong ipinanuga na itatao sainda, aram ko na an iniisip ninda.”

Deuteronomio 31:26

“Kuahon nindo an librong ini nin katogonan asin ibugtak nindo sa kataed kan Kaban nin Tipan nin Kagurangnan na saindong Dios, tanganing danay na magsaksi laban sa saiyang banwaan.

Deuteronomio 32:1

“Dangoga, O langit, an sakong tataramon. Hinanyoga, O daga, an sakong sasabihon.

Deuteronomio 4:26

Saksi ko an langit asin an daga laban saindo ngunyan na aldaw, na kun suhayon nindo ako, mapapara kamo sa daga. Dai maghahalawig an saindong buhay sa ibong kan Jordan, sa daga na saindong sasakopon. Magagadan kamo gabos.

Tito 1:16

Nagsasabi sindang midbid ninda an Dios, alagad salungat sa sinasabi ninda an saindang gibo. Makauuyam sinda saka mga masombikal; dai nanggad makakagibo nin anoman na marahay.

Josue 22:34

Nagsabi an mga tawong gikan ki Ruben asin Gad, “Saksi an altar na ini para sa sato gabos na an Kagurangnan iyo an Dios.” Kaya an altar inapod nindang “Saksi.”

Josue 24:28

Dangan pinahale na ni Josue an mga tawo, asin an lambang saro nagpuli sa sadiri niyang daga.

Kapahayagan 3:8

Aram ko an saimong mga ginigibo; aram kong igwa ka nin dikit na kapangyarihan. Sinunod mo an sakong katukdoan saka dai mo ako pinagnegaran. Kaya binuksan ko an sarong pintoan sa atubang mo na mayo nin siisay man na makakasera.

1 Samuel 7:12

Nagkua si Samuel nin sarong gapo dangan pinatindog sa pagultanan kan Mizpa asin kan Shen. An gapo inapod niyang Ebenezer huli ta an olay niya, “Tinabangan kita nin Kagurangnan sagkod digdi.”