Josue 24:23 - Marahay na Bareta Biblia

²³ “Kun siring, halea nindo an dayuhan na mga dios na yaon saindo asin manumpa kamo na magigin maimbod kamo sa Kagurangnan, an Dios nin Israel,” an olay ni Josue sa mga tawo.

Josue 24:23 ပူးပေါင်းရင်းမြစ်များ

1 Mga Hade 8:57

Ibahan logod kita nin Kagurangnan na satong Dios siring na inibahan niya kaidto an satong mga ginikanan; dai man logod niya kita pagbayaan o pagpabayaan;

1 Mga Hade 8:58

gibohon niya logod na magin maimbod kita saiya, tanganing mamuhay kita sosog sa saiyang kabotan, magkuyog kan gabos na togon asin pagboot na itinao niya sa satong mga ginikanan.

Salmo 119:36

Pakilinga an sakong puso sa saimong katogonan, asin bakong sa kayamanan.

Salmo 141:4

Likayan an puso ko sa anoman na maraot asin sa paggibo nin mga karatan, kaiba kan mga paragibo nin kasombikalan. Hare ako pagpaayona sa saindang mga pyesta.

Salmo 81:10

Ako an Kagurangnan na saimong Dios, na nagluwas saimo hale sa daga nin Egipto. Bukaha an saimong ngoso, asin papakakanon taka.

Exodo 20:23

Dai kamo maggibo nin mga dios-dios na plata o bulawan na sasambahon bilang dugang sa sako.

Mga Talinhaga 2:2

Paghinanyog sa kadonongan asin hingowahon mong masabotan iyan.

Oseas 14:8

An banwaan nin Israel dai na nanggad magsasamba sa mga dios-dios; sisimbagon ko an saindang mga pamibi asin aatamanon ko sinda. Arog sa sarong marambong na kahoy lilindongan ko sinda; ako an gigikanan kan gabos nindang biyaya.”

Josue 24:14

“Kaya ngunyan matakot kamo sa Kagurangnan,” an olay ni Josue. “Tunay asin maimbod nindo siyang paglingkodan. Halea nindo an mga dios-dios na dating sinasamba kan saindong mga ginikanan sa Mesopotamia saka sa Egipto; an Kagurangnan sana an saindong paglingkodan.