Josue 24:2 - Marahay na Bareta Biblia

² Sinabihan ni Josue an mga tawo, “Iyo ini an tataramon nin Kagurangnan, an Dios nin Israel: ‘Kaidtong panahon, an saindong mga ginikanan nag-erok sa ibong kan Salog nin Eufrates asin nagsamba sa ibang mga dios. An saro sa mga ginikanan na ini iyo si Tera, na ama ni Abraham asin ni Nahor.

Josue 24:2 ပူးပေါင်းရင်းမြစ်များ

Genesis 11:22

Kan treyntang taon na an edad ni Serug, namundag an aki niyang si Nahor.

Genesis 11:24

Kan beynte y nwebeng taon na an edad ni Nahor, namundag an aki niyang si Tera.

Genesis 11:26

Kan setenta na an edad ni Tera, namundag an mga aki niya na iyo si Abram, si Nahor asin si Haran.

Genesis 11:27

Iyo ini an mga kapagarakian ni Tera, na ama ni Abram, Nahor asin Haran. Si Haran iyo an ama ni Lot.

Genesis 31:19

Mayo duman si Laban huli ta ginuguntingan niya an saiyang mga karnero, kaya nahabon ni Rachel an saiyang mga dios-dios.

Genesis 31:30

Aram kong naghale ka huli ta gusto mong makapuli sa saindo, alagad tano ta hinabon mo an sakong mga dios-dios?”

Genesis 31:32

Ngunyan, kun may makuahan ka digdi kan saimong mga dios-dios, gagadanon siya. Kaya sa atubang kan satong mga tawohan, hanapa an ano man na sadiri mo na yaon sako asin kuaha.” Dai aram ni Jacob na hinabon ni Rachel an mga dios-dios ni Laban.

Genesis 31:53

Husgaran logod kita kan Dios ni Abraham, ni Nahor, asin nin saindang mga magurang.” Kaya nanumpa si Jacob sa ngaran kan Dios na sinamba ni Isaac na saiyang ama.

Genesis 35:4

Kaya itinao ninda ki Jacob an gabos nindang mga dayuhan na dios sagkod an mga hikaw na sulot ninda. Ilinubong ini gabos ni Jacob sa irarom kan poon nin sarong hamurawon na kahoy na harani sa Shekem.

1 Mga Cronica 1:27

asin Abram (na midbid man sa ngaran na Abraham).

Isaias 51:2

Isipa nindo an saindong ginikanan na si Abraham, saka si Sara, na saindong hinalean. Kan apodon ko si Abraham, mayo siya nin aki, alagad kan bendisyonan ko siya, nagdakul an saiyang aki saka mga kapagarakian.

Ezekiel 16:3

Sabihan mo an Jerusalem kun ano an itinataram saiya kan Kagurangnan Dios: “Namundag ka sa daga nin Canaan. Sarong Amoreo an saimong ama asin sarong Hetea an saimong ina.

Lukas 3:34

Si Juda aki ni Jacob, na aki ni Isaac, na aki ni Abraham. Si Abraham aki ni Tera, na aki ni Nacor.

Deuteronomio 26:5

Dangan sasabihon nindo ini sa atubang nin Kagurangnan: ‘Sarong paralakaw na Arameo an sakong ama, na nagduman sa Egipto kaiba an saiyang pamilya tanganing mag-erok duman. Kadikit sana sinda na nagduman, alagad nagdakul sinda asin nagin sarong mapangyaring nasyon.

Josue 24:15

Kun habo nindong maglingkod saiya, magpili kamo ngunyan kun siisay an saindong paglilingkodan, an mga dios-dios na dating sinasamba kan saindong mga ginikanan sa Mesopotamia o an mga dios-dios kan mga Amoreo, na an saindang daga iyo an saindong pinag-eerokan ngunyan. Alagad para sako asin para sa sakong pamilya, an Kagurangnan an samong paglilingkodan.”