Josue 24:15 - Marahay na Bareta Biblia

¹⁵ Kun habo nindong maglingkod saiya, magpili kamo ngunyan kun siisay an saindong paglilingkodan, an mga dios-dios na dating sinasamba kan saindong mga ginikanan sa Mesopotamia o an mga dios-dios kan mga Amoreo, na an saindang daga iyo an saindong pinag-eerokan ngunyan. Alagad para sako asin para sa sakong pamilya, an Kagurangnan an samong paglilingkodan.”

Josue 24:15 ပူးပေါင်းရင်းမြစ်များ

Genesis 18:19

Pinili ko siya tanganing pagbotan niya an saiyang mga kapagarakian na magsunod sako asin maggibo kan tama saka matanos. Kun gibohon ninda ini, ootobon ko an gabos na ipinanuga ko saiya.”

Genesis 35:2

Kaya sinabihan ni Jacob an saiyang pamilya asin an gabos na kaibahan niya, “Itapok nindo an mga dayuhan na dios na yaon saindo; maglinig kamo kan saindong sadiri asin magsangle kamo kan saindong gubing,

1 Mga Hade 18:21

Nagpaenotan si Elias asin nagsabi sa mga tawo, “Sagkod nuarin kamo magkakaigwa nin duwang pag-isip? Kun an Kagurangnan iyo an Dios, siya an sambahon nindo; alagad kun si Baal an Dios, siya an sambahon nindo!” Dai nagsimbag saiya an mga tawo.

1 Mga Cronica 1:14

Si Canaan iyo man an ginikanan kan mga Jebuseo, Amoreo, Gergeseo,

Salmo 101:2

Ako malakaw sa dalan nin kabanalan. Nuarin ka madalaw sakuya? Sa sakuyang harong mamumuhay ako na malinig an puso,

Salmo 119:106

Ootobon ko an sakong banal na panuga na kukuyogon an saimong matanos na mga katukdoan.

Exodo 23:2

Dai ka magsunod sa kadaklan kun minagibo sinda nin sala o kun minasaksi sinda nin putik tanganing mabiko an hustisya.

Exodo 23:24

Dai kamo magduko o magsamba sa saindang mga dios-dios, o mag-arog kan saindang mga ginigibo. Raoton nindo an saindang mga dios-dios asin gabaon nindo an saindang mga banal na hariging gapo.

Exodo 34:15

Dai kamo makipagtipan sa mga nag-eerok sa daga huli ta sa pagsamba ninda kan saindang mga paganong dios-dios dangan sa pagsakripisyo sa sainda, iimbitaran ninda kamong makisumaro sa sainda asin masusugotan kamong kumakan kan mga idinolot ninda sa saindang mga dios-dios;

Ezekiel 20:39

Ini an tataramon nin Kagurangnan Dios: “Kamong mga Israelita, kun boot nindo, lakaw asin paglingkodan nindo an saindong mga dios-dios! Alagad pinapatanidan ko kamo na pakatapos kaiyan, kaipuhan kuyogon nindo ako asin ontokon nindo an pagdigta sa banal kong ngaran sa paagi nin pagdolot nin mga atang sa saindong mga dios-dios.

Daniel 3:18

Alagad maski dai niya kami iligtas, Mahal na Hade, dai man giraray kami masamba sa saimong dios, asin dai man kami maduko sa atubang kan estatwang bulawan na pinatindog mo.”

Levitico 14:42

Dangan riribayan ninda nin ibang gapo an mga gapong hinarale, asin papalitadahon giraray ninda an mga lanob na kinarosan.

Mikas 4:5

An lambang nasyon nagsasamba saka nagkukuyog kan sadiri nindang dios, alagad sasambahon asin kukuyogon mi an Kagurangnan na samong Dios sagkod lamang.

Mga Gibo 11:23

Pag-abot ni Bernabe duman, naogma siya nin marahay kan mahiling niya na kanigoan an bendisyon na itinao nin Dios sa mga tawo. Sinadol niya sinda gabos na magdanay na maimbod sa Kagurangnan.

Deuteronomio 13:7

mga dios-dios kan mga tawo sa palibot nindo, harani man o harayo, magpoon sa sarong poro sagkod sa ibong na poro kan daga;

Deuteronomio 29:18

Maglikay kamo ta tibaad igwa saindo digdi ngunyan nin lalaki o babae, pamilya o tribu na matalikod sa Kagurangnan na satong Dios, tanganing maglingkod sa mga dios-dios kan ibang nasyon. Nakakaagid ini sa sarong kahoy na nagin mapait asin nakakahudong an bunga.

Josue 24:16

Nagsimbag an mga tawo, “Sagkod pa man dai mi babayaan an Kagurangnan tanganing maglingkod sa ibang dios.

Hukom 6:10

Tinaraman ko kamo na ako an Kagurangnan na saindong Dios, asin na dai kamo magsamba sa mga dios-dios kan mga Amoreo na dating kagsadiri kan dagang pinag-eerokan nindo ngunyan. Alagad dai kamo nagdangog sako.”