Josue 24:14 - Marahay na Bareta Biblia

¹⁴ “Kaya ngunyan matakot kamo sa Kagurangnan,” an olay ni Josue. “Tunay asin maimbod nindo siyang paglingkodan. Halea nindo an mga dios-dios na dating sinasamba kan saindong mga ginikanan sa Mesopotamia saka sa Egipto; an Kagurangnan sana an saindong paglingkodan.

Josue 24:14 ပူးပေါင်းရင်းမြစ်များ

Genesis 17:1

Kan nubenta y nuebe na an edad ni Abram, nagpahiling saiya an Kagurangnan asin nagtaram saiya, “Ako an Makakamhan na Dios; kuyogon mo ako asin danay mong gibohon an matanos.

Genesis 35:2

Kaya sinabihan ni Jacob an saiyang pamilya asin an gabos na kaibahan niya, “Itapok nindo an mga dayuhan na dios na yaon saindo; maglinig kamo kan saindong sadiri asin magsangle kamo kan saindong gubing,

2 Mga Hade 20:3

“Giromdoma, O Kagurangnan, na maimbod asin bilog na puso takang pinaglingkodan; ginibo ko an matanos sa saimong atubang.” Dangan nagtangis siya nin makuri.

Esdras 9:11

na itinao mo samo sa paagi kan mga propeta na saimong mga sorogoon. Sinabihan ninda kami na, “An daga na saindong lalaogon asin sasadirihon sarong maating daga. Magpoon sa sarong poro kaiyan sagkod sa saro pang poro, pano iyan nin mga tawo na naggigibo nin makauuyam na mga bagay.

An Libro ni Job 1:1

Igwa kaidto nin sarong lalaki na an ngaran Job, na nag-erok sa daga nin Uz. Matanos siyang tawo asin linikayan niya an paggibo nin maraot.

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

Salmo 111:10

An pagkatakot sa Kagurangnan iyo an kapinonan nin kadonongan; igwa nin marahay na pakasabot an mga naggigibo kaiyan. An saiyang kaomawan magdadanay sagkod pa man!

Salmo 119:1

Paladan an mga tawong an buhay mayo nin karatan, na naglalakaw sosog sa katogonan nin Kagurangnan.

Salmo 119:80

Logod bulahos kong kuyogon an saimong mga kabotan, tanganing dai ako mamugtak sa kasopogan!

Salmo 130:4

Alagad yaon saimo an pagpatawad, tanganing ika samong katakotan.

Salmo 81:10

Ako an Kagurangnan na saimong Dios, na nagluwas saimo hale sa daga nin Egipto. Bukaha an saimong ngoso, asin papakakanon taka.

Ezekiel 20:18

Embes kaiyan, pinatanidan ko an saindang kaakian: Dai kamo magsunod sa mga katogonan kan saindong mga ginikanan; dai nindo pag-arogon an saindang mga kaugalean, ni pagdigtaan an saindong sadiri, huli kan saindang mga dios-dios.

Ezekiel 23:3

Kan hoben pa sinda, asin nag-eerok pa sa Egipto, nawara an saindang pagkabirhen asin nagin sinda mga maraot na babae.

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Levitico 17:7

Kaya dai na nanggad sinda magbubuno nin mga hayop sa kaawagan bilang dolot sa mga demonyo. Kaipuhan kuyogon kan mga Israelita an pagsusundon na ini sagkod lamang.

Mikas 6:8

Dai, sinabihan na kita nin Kagurangnan kun ano an marahay. An hinahagad niya sato iyo ini: an paggibo kan matanos, an danay na mamoot, asin an mamuhay na mapakumbaba sa kaibahan nin satong Dios.

Lukas 8:15

Alagad an banhing nakasabwag sa matubang na daga, garo an mga tawo na minadangog kan tataramon nin Dios. Iniingatan ninda iyan sa pusong maboot saka makinuyog, asin nagdadanay sagkod na magbunga.

Mga Gibo 9:31

Kaya an simbahan sa bilog na Judea, sa Galilea asin sa Samaria nagkaigwa nin katoninongan dangan nagkosog. Namuhay an simbahan sa pagkatakot sa Kagurangnan; asin sa tabang kan Espiritu Santo, nagdagdag an saindang bilang.

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

Efeso 6:24

An biyaya nin Dios mapasagabos logod na namomoot ki Jesu-Cristo na satong Kagurangnan nin mayong kataposan na pagkamoot.

Deuteronomio 10:12

“Banwaan nin Israel, dangoga nindo ngunyan an kahagadan saindo nin Kagurangnan na saindong Dios; magkaigwa kamo nin pagkatakot saiya asin otobon nindo an saiyang mga pagboot. Kamotan nindo an Kagurangnan saka paglingkodan nindo siya sa bilog nindong puso,

Deuteronomio 18:13

Magmaimbod kamo sa Kagurangnan na saindong Dios.”

Deuteronomio 6:13

Matakot kamo sa Kagurangnan na saindong Dios; maglingkod kamo saiya asin magsumpa kamo sa saiya sanang ngaran.

Filipos 1:10

tanganing mapili nindo an pinakamarahay. Dangan magigin malinig kamo asin mayo nin sala pag-abot kan Aldaw ni Cristo.

Josue 24:2

Sinabihan ni Josue an mga tawo, “Iyo ini an tataramon nin Kagurangnan, an Dios nin Israel: ‘Kaidtong panahon, an saindong mga ginikanan nag-erok sa ibong kan Salog nin Eufrates asin nagsamba sa ibang mga dios. An saro sa mga ginikanan na ini iyo si Tera, na ama ni Abraham asin ni Nahor.

Josue 24:23

“Kun siring, halea nindo an dayuhan na mga dios na yaon saindo asin manumpa kamo na magigin maimbod kamo sa Kagurangnan, an Dios nin Israel,” an olay ni Josue sa mga tawo.

1 Samuel 12:14

Kun galangan nindo an Kagurangnan na saindong Dios, paglingkodan siya, dangogon asin kuyogon an saiyang mga pagboot; kun kamo saka an saindong hade magsunod sa Kagurangnan, mapapakarahay kamo.

1 Samuel 12:24

Matakot kamo sa Kagurangnan asin maimbod na paglingkodan nindo siya sa bilog nindong puso. Giromdoma nindo an darakulang mga bagay na ginibo niya para saindo.

1 Samuel 7:3

Sinabihan ni Samuel an mga Israelita, “Kun magbalik kamo sa Kagurangnan sa bilog nindong puso, kaipuhan haraleon nindo an mga dayuhan na dios asin an mga ladawan kan diosang si Astarte. Bilog nindong idusay an saindong sadiri sa Kagurangnan; siya sana an saindong paglingkodan, asin ililigtas niya kamo sa kapangyarihan kan mga Filisteo.”