Josue 23:8 - Marahay na Bareta Biblia

⁸ Magmaimbod kamo sa Kagurangnan, siring sa ginigibo nindo sagkod ngunyan.

Josue 23:8 ပူးပေါင်းရင်းမြစ်များ

2 Mga Hade 18:6

Nagin maimbod siya sa Kagurangnan asin dai nagsuhay saiya. Kinuyog niya an mga pagboot na itinao nin Kagurangnan ki Moises.

Mga Gibo 11:23

Pag-abot ni Bernabe duman, naogma siya nin marahay kan mahiling niya na kanigoan an bendisyon na itinao nin Dios sa mga tawo. Sinadol niya sinda gabos na magdanay na maimbod sa Kagurangnan.

Deuteronomio 10:20

Matakot kamo sa Kagurangnan na saindong Dios asin siya sana an saindong pagsambahon. Magmaimbod kamo saiya asin magsumpa kamo sa saiya sanang ngaran.

Deuteronomio 11:22

“Maimbod na kuyogon nindo an gabos na ipinagboot ko: kamotan nindo an Kagurangnan na saindong Dios, gibohon nindo an gabos niyang ipinagboboot asin magmaimbod kamo saiya.

Deuteronomio 13:4

Magsunod kamo sa Kagurangnan na saindong Dios asin matakot kamo saiya; kuyogon nindo siya asin otobon an saiyang mga pagboot; sambahon nindo siya asin magmaimbod kamo sa saiya.

Deuteronomio 13:5

Alagad gadanon nindo an propeta o an parapaliwanag nin mga pangatorogan na idto, huli ta tinutukdoan niya kamo na magtumang sa Kagurangnan, na nagligtas saindo sa Egipto, saen kamo nagin mga oripon. Maraot an tawong iyan huli ta dinadagka niya kamong magtalikod sa pamumuhay na ipinagboot nin Kagurangnan. Kaipuhan gadanon siya tanganing mahale an karatan na iyan sa tahaw nindo.

Deuteronomio 4:4

alagad kamong nagdanay na maimbod sa saiya, buhay pa sagkod ngunyan.

Deuteronomio 8:20

Kun dai kamo magkuyog sa Kagurangnan, magagadan man kamo arog kan mga nasyon na saiyang roronoton sa pagdangadang nindo.

Josue 22:5

Kuyogon nanggad nindo an togon na itinao saindo ni Moises: kamotan nindo an Kagurangnan na saindong Dios, gibohon an saiyang kabotan, kuyogon an saiyang mga pagboot, magmaimbod saiya, asin paglingkodan siya sa bilog nindong puso saka kalag.”

Josue 23:7

asin dai nanggad kamo makiiba sa mga tawong ini na natatada pa diyan sa kaibahan nindo o kaya magsambit kan ngaran kan saindang mga dios-dios o magsumpa sa ngaran kan mga iyan o magsamba asin magluhod sa mga iyan.

Josue 23:9

Sa pagdangadang nindo, inalaw nin Kagurangnan an darakula saka mapangyaring mga nasyon, asin mayo pa nin siisay man na nakadaog saindo.