Josue 23:2 - Marahay na Bareta Biblia

² kaya inapod niya an bilog na Israel, an kamagurangan, an mga lider, an mga hukom asin an mga opisyal kan banwaan. Tinaraman sinda ni Josue, “Gurang na akong marahay.

Josue 23:2 ပူးပေါင်းရင်းမြစ်များ

1 Mga Hade 1:1

Gurang na nin marahay si Hadeng David, asin maski pirang tamong an itahob sa saiya kan saiyang mga sorogoon dai na siya nahihimbongan.

1 Mga Hade 8:1

Dangan tinipon ni Solomon sa Jerusalem an kamagurangan nin Israel, an mga pamayo kan mga tribu asin mga lider kan mga kamaganakan kan banwaan nin Israel tanganing kuahon sa Sion, an syudad ni David, an Kaban nin Tipan nin Kagurangnan, dangan darahon sa Templo.

1 Mga Cronica 23:2

Tinipon ni David an gabos na lider nin Israel, an mga padi saka an mga Levita.

1 Mga Cronica 28:1

Tiniripon ni David sa Jerusalem an mga opisyal nin Israel, an mga opisyal kan mga tribu, an mga pamayo kan mga grupong naglilingkod sa hade, an mga opisyal nin mga rinibo saka mga ginatos, an mga administrador kan gabos na rogaring saka mga hayop kan hade saka kan saiyang mga aking lalaki, dangan an gabos na opisyal, an makokosog na mga lalaki asin an mga bantog na paralaban.

Deuteronomio 31:28

Tiponon nindo sa atubang ko an gabos na lider asin opisyal kan mga tribu, tanganing ikapahayag ko sainda an mga bagay na ini. Aapodon ko an langit sagkod an daga tanganing magsaksi para sako laban sainda.

Josue 13:1

Gurang nang marahay si Josue. Tinaraman siya nin Kagurangnan, “Gurang ka nang marahay alagad dakula pa an daga na sasakopon:

Josue 23:3

Nahiling nindo an gabos na ginibo nin Kagurangnan na saindong Dios sa gabos na banwaan huli sa saindo. Siya an nakipaglaban para sa saindo.

Josue 24:1

Tinipon ni Josue sa Shekem an gabos na tribu kan Israel. Inapod niya an kamagurangan, an mga lider, an mga hukom, sagkod an mga opisyal kan Israel, dangan nag-atubang sinda sa Dios.

1 Samuel 12:2

siya na an mangengenot saindo. Gurang asin ubanon na ako; kaiba na nindo an sakong mga aking lalaki. Ako an saindong nagin lider poon kan hoben pa ako sagkod ngunyan.