Josue 23:10 - Marahay na Bareta Biblia

¹⁰ Maski siisay saindo pwedeng makapadulag nin sangribong tawo, huli ta an Kagurangnan iyo an nakikilaban para saindo, siring sa saiyang panuga.

Josue 23:10 ပူးပေါင်းရင်းမြစ်များ

2 Samuel 23:8

Iyo ini an ngaran kan bantog na mga soldados ni David: si Joseb-basebet na taga Takemon, na iyo an lider kan “An Tolo”; linabanan niya asin nagadan an walong gatos na kalalakihan sa sarong ralaban na garod sana an saiyang armas.

1 Mga Cronica 5:20

Ibinugtak ninda an saindang paglaom sa Dios asin naghagad saiya nin tabang. Dinangog nin Dios an saindang pamibi asin pinapanggana sinda laban sa mga Agareno sagkod sa mga kaapil kaini.

1 Mga Cronica 5:22

Ginadan ninda an kadaklan sa mga kaiwal, huli ta pagboot nin Dios an gera. Padagos sindang nag-erok sa teritoryong idto sagkod kan panahon kan pagtapokan sainda.

Salmo 35:1

Iwalon mo Kagurangnan, an mga nakikiiwal sako; labanan mo an mga nakikilaban sako.

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Exodo 14:14

An Kagurangnan an makikipaglaban para sa saindo. Mayo kamong gigibohon maski ano man.”

Isaias 30:17

Madurulag an sangribo saindo pakahiling sa sarong kaiwal, asin lima sanang soldados an kaipuhan tanganing magdurulag kamo gabos. Mayo nin matatada sa saindong hukbo pwera kan solo-solong kahoy na nakakabitan kan bandera sa ibabaw kan bulod.

Levitico 26:7

Dadaogon nindo an saindong mga kaiwal;

Levitico 26:8

an lima sa saindo makakadaog nin sanggatos asin an sanggatos saindo makakadaog nin sampolong ribo.

Zacarias 12:8

Sa panahon na iyan, iingatan nin Kagurangnan an mga nag-eerok sa Jerusalem; maski an pinakamaluya sa sainda magigin siring kakosog ni David. An mga kapagarakian ni David an mangengenot sa sainda arog sa sarong anghel nin Kagurangnan, arog sa Dios mismo.

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Deuteronomio 20:3

‘Pagdangog, Israel. Makikigera kamo ngunyan na aldaw. Magmaisog kamo; dai kamo magtakig o matakot sa saindong mga kaiwal.

Deuteronomio 20:4

Iibahan kamo nin Kagurangnan na saindong Dios asin tatawan niya kamo nin kapangganahan.’

Deuteronomio 28:7

“Dadaogon nin Kagurangnan an saindong mga kaiwal na masalakay saindo. Masalakay sinda saindo hale sa sarong direksyon, alagad madulag sinda pasiring sa gabos na direksyon.

Deuteronomio 3:22

Dai ka matakot sa sainda, huli ta makikilaban para saimo an Kagurangnan na saimong Dios.’

Deuteronomio 32:20

‘Dai ko na sinda tatabangan,’ siya nagtaram; ‘hihilingon ko an saindang aabotan, sinda na bakong maimbod saka makasalan na henerasyon.

Deuteronomio 32:30

Kun tano ta an sangribo nadaog nin saro; an sampolong ribo, nadaog nin duwa. Pinabayaan sinda nin Kagurangnan na saindang Dios; isinikwal kan saindang mapangyaring Dios.

Josue 10:42

Dinaog ni Josue an mga hade duman asin sinakop an saindang mga teritoryo sa laog nin saro sanang pagsalakay, huli ta nakipaglaban para sa mga Israelita an Kagurangnan na Dios nin Israel.

Josue 23:11

Kaya kamotan nanggad nindo an Kagurangnan na saindong Dios.

Josue 23:3

Nahiling nindo an gabos na ginibo nin Kagurangnan na saindong Dios sa gabos na banwaan huli sa saindo. Siya an nakipaglaban para sa saindo.

Hukom 15:15

Dangan nakanumpong siya nin sarong panga nin asno na bago pa sanang magadan. Pinurot niya ini asin ginamit sa paggadan sa sangribong Filisteo.

Hukom 3:31

An suminunod saiya iyo si Samgar na aking lalaki ni Anat. Ilinigtas man niya an Israel kan gadanon niya an seis syentos na Filisteo sa paagi kan saiyang sugkod na pang-alaw sa mga baka.

1 Samuel 14:6

Sinabihan ni Jonatan an hoben na nagdadara kan saiyang armas, “Magduman kita sa kampo kan bakong sirkomsisyonadong mga Filisteo. Tibaad tabangan kita nin Kagurangnan; kun tabangan niya kita, mayong makakapugol saiya sa pagtao sato nin kapangganahan, maski dikit sana kita.”