Josue 22:9 - Marahay na Bareta Biblia

⁹ Kaya nagpuli an mga tribu ni Ruben, Gad, asin an kabangang tribu ni Manases. An ibang Israelita binayaan ninda sa Shilo, sa daga nin Canaan, asin nagbalik sinda sa sadiri nindang daga, sa daga nin Gilead na nagin kahirasan ninda siring sa ipinagboot nin Kagurangnan sa paagi ni Moises.

Josue 22:9 ပူးပေါင်းရင်းမြစ်များ

2 Samuel 2:9

duman ginibo siya ni Abner bilang hade kan mga teritoryo nin Gilead, Asher, Jezreel, Efraim, Benjamin, asin kan bilog na Israel.

1 Mga Cronica 5:9

Nagkaigwa sinda nin dakul na hayop duman sa Gilead, kaya nagduman sinda asin nag-erok sa daga sa sirangan kan desyerto na minasagkod sa Salog nin Eufrates.

Salmo 60:7

Sakuya an Gilead, sakuya an Manases; an Efraim an sakuyang helmet, an Juda an sakuyang setro.

Mga Bilang 32:1

Dakul nin marahay an ataman na mga hayop kan tribu ni Ruben asin ni Gad. Kan mahiling ninda kun gurano karahay para sa mga baka an daga nin Jazer asin nin Gilead,

Mga Bilang 32:20

Nagsimbag si Moises, “Kun tudok sa boot nindo an saindong sinabi, digdi sa atubangan nin Kagurangnan mag-andam kamo sa pakigera.

Mga Bilang 32:22

asin masadirihan an daga. Pakatapos kaiyan, pwede na kamong magpuli, huli ta naotob na nindo an saindong katongdan sa Kagurangnan asin sa saindong kapwa Israelita. Dangan mimidbidon nin Kagurangnan na an dagang ini sa sirangan nin Jordan kahirasan nindo.

Mga Bilang 32:26

Mawawalat digdi sa mga banwa nin Gilead an samong mga agom, mga sadit na aki, sagkod mga hayop.

Mga Bilang 32:29

“Kun bumalyo sa Jordan an mga aking lalaki ni Gad asin ni Ruben na andam para sa gera sa pagboot nin Kagurangnan, asin kun sa saindang tabang masakop nindo an daga, itao nindo sainda an daga nin Gilead bilang saindang kahirasan.

Deuteronomio 3:18

“Sinabihan ko sinda kaidto, ‘Itinao saindo nin Kagurangnan na satong Dios ining daga tanganing saindong sakopon. Ngunyan tawan nindo nin armas an saindong mga parapakilaban asin ipadara nindo sa ibong kan Jordan, tanganing mangenot sa ibang mga tribu nin Israel asin tabangan sinda sa pagsakop kan saindang daga.

Deuteronomio 3:20

Tabangan nindo an saindong kapwa Israelita sagkod na masakop ninda an daga na itinatao sainda nin Kagurangnan duman sa solnopan kan Jordan, asin sagkod na tugotan sinda nin Kagurangnan na mag-erok duman nin matoninong, arog kan ginibo niya digdi para saindo. Pakatapos, magpuli na kamo digdi sa daga na itinao ko saindo.’

Deuteronomio 34:1

Hale sa kapatagan nin Moab, nagtukad si Moises sa Bukid nin Nebo, pasiring sa alitoktok kan Bukid nin Pisga, sa sirangan nin Jerico. Duman ipinahiling saiya nin Kagurangnan an bilog na daga: an teritoryo kan Gilead sagkod sa amihan sa banwa nin Dan;

Josue 13:11

kaiba an Gilead saka an mga rehiyon nin Gesur asin Maaca; an bilog na Bukid nin Hermon sagkod an bilog na Basan pasiring sa Saleca.

Josue 13:25

Sakop kan saindang teritoryo an Jazer asin an gabos na syudad kan Gilead, an kabanga kan daga nin Ammon sagkod sa Aroer, na nasa sirangan kan Rabba.

Josue 13:31

Napasainda an kabanga kan Gilead, siring man an Astarot saka Edrei, an duwang pangenot na syudad kan kahadean ni Og sa Basan. Ini gabos itinao sa kabanga kan mga pamilyang gikan ki Makir na aki ni Manases.

Josue 22:10

Kan makaabot sa Gelilot na nasa parteng solnopan kan Salog nin Jordan an mga tribu ni Ruben, Gad, asin Manases sa sirangan, nagpatindog sinda nin sarong halangkaw saka dakulang altar sa tampi kan salog.

Hukom 20:1

Nagtiripon sa Mizpa sa atubang nin Kagurangnan an gabos na Israelita magpoon sa Dan sagkod sa Beer-sheba, sagkod kan mga taga Gilead.

Hukom 5:17

An tribu ni Gad nag-erok sa sirangan kan Jordan; sa saindang mga barko nagpawalat an tribu ni Dan. Sa baybayon nag-ontok an tribu ni Asher; dai na naghiro sa saindang namumugtakan.