Josue 22:6 - Marahay na Bareta Biblia

^6-8 Bago sinda pinapuli ni Josue, benendisyonan niya sinda asin sinabihan, “Mayaman kamong mapuli, dara an dakul na hayop, plata, bulawan, bronse, lansang sagkod gubing. Hirasan nindo an saindong mga tugang kan mga bagay na nasamsam nindo sa saindong mga kaiwal!” Dangan nagpuli na sinda. Itinao ni Moises sa kabanga kan tribu ni Manases an daga sa sirangan kan Jordan, alagad itinao ni Josue sa kabanga pang tribu ni Manases an daga sa solnopan kan Jordan, sa kaibahan kan ibang mga tribu.

Josue 22:6 ပူးပေါင်းရင်းမြစ်များ

Genesis 14:19

Benendisyonan ni Melkizedek si Abram na an sabi, “Bendisyonan logod si Abram kan Kahorohalangkaweng Dios, na kaggibo kan langit asin daga!

Genesis 47:10

Benendisyonan giraray ni Jacob an hade bago siya naghale.

Genesis 47:7

Dangan dinara ni Jose an saiyang ama asin ipinamidbid sa hade. Benendisyonan ni Jacob an hade.

2 Samuel 6:18

Pakadolot ni David kan mga sakripisyo, benendisyonan niya an mga tawo sa ngaran nin Kagurangnan nin mga hukbo,

2 Samuel 6:19

asin tinawan niya an lambang lalaki saka babae nin sarong pedasong tinapay, sarong pedasong karne saka mga pasas. Dangan an lambang saro nagpuli sa saiyang harong.

2 Samuel 6:20

Kan magpuli si David tanganing masakaibahan kan saiyang pamilya, sinabat siya ni Mical asin sinabihan, “Nagdakula an dangog kan hade nin Israel ngunyan na aldaw huli ta naghuba siya na garo lolong sa atubangan kan mga babaeng oripon kan saiyang mga opisyal!”

1 Mga Hade 8:66

Kan ikawalong aldaw pinapuli ni Solomon an mga tawo. Benendisyonan kan mga tawo si Solomon asin maogma sindang nagpuli huli kan gabos na bendisyon na itinao nin Kagurangnan sa saiyang sorogoon na si David sagkod sa banwaan nin Israel.

2 Mga Cronica 30:18

Dakul man sa mga gikan sa mga tribu nin Efraim, Manases, Issakar saka Zabulon an dai naglinig kan sadiri, kaya dai sinda nakasunod kan pagboot sa Paskwa. Alagad ipinamibi sinda ni Ezekias,

Exodo 39:43

Siniyasat ni Moises an gabos nindang ginibo dangan benendisyonan kan mahiling na nahaman an gabos sosog sa ipinagboot nin Kagurangnan.

Lukas 2:34

Benendisyonan sinda ni Simeon, asin sinabihan si Maria na saiyang ina, “Uya, an aking ini itinalaga para sa pagkapadungkal asin pagbangon nin dakul sa Israel; saro siyang tanda hale sa Dios na isisikwal nin dakul na tawo,

Lukas 24:50

Dangan ipinag-iba sinda ni Jesus sa luwas kan syudad sagkod sa Betania. Pag-abot ninda duman, initaas niya an saiyang mga kamot saka benendisyonan sinda.

Josue 14:13

Benendisyonan ni Josue si Caleb na aki ni Jefunne asin itinao niya saiya an syudad nin Hebron bilang saiyang pamana.

Josue 24:28

Dangan pinahale na ni Josue an mga tawo, asin an lambang saro nagpuli sa sadiri niyang daga.

1 Samuel 10:25

Ipinaliwanag ni Samuel sa mga tawo an mga deretso asin an mga katongdan nin sarong hade, dangan isinurat niya ini sa sarong libro na saiyang sinaray sa sarong banal na lugar. Pakatapos, pinapuli niya an gabos sa saindang harong.

1 Samuel 13:2

Nagpili si Saul nin tolong ribong kalalakihan sa Israel; kaiba niya sa Micmas an duwang ribo, asin an sangribo pinaiba niya sa aki niyang si Jonatan duman sa Gibea, sa teritoryo kan tribu ni Benjamin. An ibang mga lalaki pinapuruli ni Saul sa saindang mga harong.

1 Samuel 2:20

Dangan benebendisyonan ni Eli si Elkana saka an saiyang agom asin sinasabihan, “Huli sa babaeng ini, tawan ka pa logod nin Kagurangnan nin ibang mga aki na magigin kasalihid kan aking linaen nindo para saiya.” Pakatapos kaini, minapuli na sinda.