Josue 22:4 - Marahay na Bareta Biblia

⁴ Ngunyan, an kapwa nindo Israelita tinawan na nin katoninongan nin Kagurangnan na saindong Dios, siring sa saiyang panuga. Kaya magbalik na kamo sa dagang pinili nindo bilang kahirasan, an daga sa sirangan kan Jordan na itinao saindo ni Moises, na sorogoon nin Kagurangnan.

Josue 22:4 ပူးပေါင်းရင်းမြစ်များ

1 Mga Cronica 22:18

Olay niya, “Bakong inibahan kamo nin Kagurangnan na saindong Dios? Bakong tinawan niya kamo nin katoninongan sa palibot nindo? Itinugot niyang madaog ko an mga nag-eerok kaidto sa dagang ini; ngunyan mga sakop na nindo sinda asin nin Kagurangnan.

Exodo 33:14

Nagtaram an Kagurangnan, “Iibahan taka asin tatawan nin kapahingaloan.”

Mga Bilang 32:18

Dai kami mapuli sa samong mga harong sagkod na dai pa nasasadirihan kan kapwa mi Israelita an dagang kahirasan ninda.

Deuteronomio 12:9

huli ta dai pa kamo nakakalaog sa daga na itinatao saindo nin Kagurangnan na saindong Dios, saen mag-eerok kamo nin matoninong.

Deuteronomio 29:8

kinua ta an saindang daga asin satong itinao bilang pamana ki Ruben, ki Gad, sagkod sa kabanga kan tribu ni Manases.

Deuteronomio 3:20

Tabangan nindo an saindong kapwa Israelita sagkod na masakop ninda an daga na itinatao sainda nin Kagurangnan duman sa solnopan kan Jordan, asin sagkod na tugotan sinda nin Kagurangnan na mag-erok duman nin matoninong, arog kan ginibo niya digdi para saindo. Pakatapos, magpuli na kamo digdi sa daga na itinao ko saindo.’

Hebreyo 4:8

Kun natawan ni Josue an mga Israelita nin pahingalo na ipinanuga nin Dios, dai na kutana ngapit nagtaram an Dios dapit sa ibang aldaw.

Josue 1:15

sagkod na masakop ninda an dagang nasa solnopan kan Jordan, daga na itinatao sainda nin Kagurangnan na saindang Dios. Kun an gabos na tribu nin Israel tawan na kan Kagurangnan nin kapahingaloan, pwede na kamong magbalik digdi asin mag-erok sa daga na nasa sirangan kan Jordan, daga na itinao saindo ni Moises na sorogoon nin Kagurangnan.”

Josue 12:6

An duwang hadeng ini dinaog ni Moises asin kan mga Israelita. An saindang daga itinao ni Moises, na sorogoon nin Kagurangnan, sa mga tribu ni Ruben, ni Gad asin sa kabanga kan tribu ni Manases, bilang pagsadiri ninda.

Josue 13:15

Hinirasan ni Moises kan daga an mga pamilya kan tribu ni Ruben bilang saindang pagsadiri.

Josue 13:8

An mga tribu ni Ruben, Gad asin an kabanga kan tribu ni Manases nag-ako na kan dagang itinao sainda ni Moises na sorogoon nin Kagurangnan; yaon an dagang ini sa sirangan kan Salog nin Jordan.

Josue 22:3

Sagkod ngunyan dai nindo pinabayaan an kapwa nindo Israelita. Nagin maingat kamo sa pagkuyog kan pagboot nin Kagurangnan na saindong Dios.