Josue 22:34 - Marahay na Bareta Biblia

³⁴ Nagsabi an mga tawong gikan ki Ruben asin Gad, “Saksi an altar na ini para sa sato gabos na an Kagurangnan iyo an Dios.” Kaya an altar inapod nindang “Saksi.”

Josue 22:34 ပူးပေါင်းရင်းမြစ်များ

Genesis 31:47

Nginaranan ini ni Laban nin Jegar-Sahaduta asin Galeed naman an inginaran kaini ni Jacob.

Genesis 31:48

Sinabihan ni Laban si Jacob, “An tambak na gapong ini iyo an magpapagiromdom sato.” Kaya an lugar na idto nginaranan Galeed.

1 Mga Hade 18:39

Kan mahiling ini kan mga tawo, nagdarapa sinda saka nagsarabi, “An Kagurangnan iyo an Dios; an Kagurangnan sana an Dios!”

Isaias 19:19

Pag-abot kan panahon na iyan, magkakaigwa nin sarong altar para sa Kagurangnan sa daga nin Egipto, asin nin sarong hariging gapo na kinonsagra sa saiya sa pagdolonan nin Egipto.

Isaias 43:10

“Banwaan nin Israel, kamo an sakong mga saksi; pinili ko kamo nganing magin sorogoon ko, tanganing mamidbidan nindo ako asin magtubod kamo sa sako patin masabotan nindo na ako sana an Dios. Pwera sako, mayo na nin ibang dios; mayo nanggad kaidto asin dai nanggad magkakaigwa.

Mateo 4:10

Sinimbag siya ni Jesus, “Humale ka, Satanas! Huli ta nasusurat, ‘Sambahon mo an Kagurangnan mong Dios, asin siya sana an saimong paglingkodan.’”

Josue 22:27

kundi bilang sarong tanda para samo asin para saindo, patin para sa kapagarakian na masunod sa sato, na talagang nagsasaramba kita sa Kagurangnan sa atubang kan banal niyang Tabernakulo, huli sa satong mga tinutong na atang, mga sakripisyo sagkod mga dolot para sa katoninongan. Ini an paagi tanganing dai masabi kan saindong mga aki na an samong mga aki dai nin pakilabot sa Kagurangnan.

Josue 24:27

Sinabihan niya an gabos na tawo, “An gapong ini iyo an satong saksi. Nadangog kaini an gabos na itinaram sato nin Kagurangnan. Kaya magigin saksi ini laban saindo, tanganing dai kamo magtumang sa saindong Dios.”