Josue 22:31 - Marahay na Bareta Biblia

³¹ Nagsabi sainda si Finehas, na aki ni Eleazar na padi, “Aram mi na ngunyan na kaiba nyato an Kagurangnan. Dai kamo nagtumang saiya, kaya ilinigtas nindo an mga Israelita sa padusa nin Kagurangnan.”

Josue 22:31 ပူးပေါင်းရင်းမြစ်များ

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

Esdras 7:5

Si Bukki aki ni Abisua, na aki ni Finehas, na aki ni Eleazar, na aki ni Aaron, an Halangkaw na Padi.

Salmo 68:17

Kaiba an ribo-ribong matitibay niyang karwahe, nag-abot sa banal na lugar an Kagurangnan hale sa Sinai.

Exodo 25:8

Pagibohon mo an mga tawo nin sarong Tabernakulo para sako, tanganing mag-erok ako sa kaibahan ninda.

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Zacarias 8:23

Sa mga aldaw na iyan, an sampolong dayuhan madolok sa sarong Judio dangan masabi, ‘Tugote kaming makiiba saindo, huli ta nadangog ming nasa saindo an Dios.’”

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

1 Corinto 14:25

Mahahayag an mga hilom niyang kaisipan dangan madapa siya, masamba sa Dios asin masabi na an Dios yaon mananggad saindo!

Josue 22:30

Nadangog ni Finehas asin kan sampolong mga lider na kairiba niya, na mga pamayo kan mga pamilya kan mga tribu sa solnopan, an sinabi kan mga tribu ni Ruben, Gad, saka ni Manases sa sirangan, asin nagkaorogma sinda.

Josue 22:32

Dangan binayaan na ni Finehas sagkod kan mga lider an mga tribu ni Ruben saka ni Gad sa daga nin Gilead. Nagbalik sinda sa Canaan asin inosip ninda sa mga Israelita an gabos na nangyari duman sa Gilead.

Josue 3:10

Sa pagdangadang nindo, aalawon niya paluwas sa daga an mga Cananeo, Heteo, Heveo, Perezeo, Gergeseo, Amoreo asin Jebuseo. Saindong maaaraman na yaon sa tahaw nindo an buhay na Dios,