Josue 22:28 - Marahay na Bareta Biblia

²⁸ Napaghorophorop mi, na kun mangyari ini, an samong mga aki makakasabi, ‘Hilinga! An samong mga ginikanan nagtugdok nin altar na kaagid kan altar nin Kagurangnan. Bako iyan para sa mga tinutong na atang o para sa mga sakripisyo kundi bilang tanda para sa samo asin para sa saindo.’

Josue 22:28 ပူးပေါင်းရင်းမြစ်များ

Genesis 31:48

Sinabihan ni Laban si Jacob, “An tambak na gapong ini iyo an magpapagiromdom sato.” Kaya an lugar na idto nginaranan Galeed.

2 Mga Hade 16:10

Kan si Hadeng Ahaz magduman sa Damasco sa pagsabat ki Tiglat-pileser, nahiling niya an altar sa Damasco. Kaya an padi na si Urias pinadarahan niya nin sarong ladawan kan altar, asin an bilog na detalye kaini.

Exodo 25:40

Kaipuhan sunodon nanggad nindo an plano na ipinahiling ko saimo sa bukid.

Isaias 19:19

Pag-abot kan panahon na iyan, magkakaigwa nin sarong altar para sa Kagurangnan sa daga nin Egipto, asin nin sarong hariging gapo na kinonsagra sa saiya sa pagdolonan nin Egipto.

Hebreyo 8:5

Alagad an gibo kan mga pading ini kaagid sana asin anino kan nasa langit. Arog man kaiyan si Moises. Kan gigibohon na niya an tolda, sinabihan siya nin Dios, “Sunodon mo nanggad an plano na ipinahiling ko saimo sa bukid.”

Josue 22:27

kundi bilang sarong tanda para samo asin para saindo, patin para sa kapagarakian na masunod sa sato, na talagang nagsasaramba kita sa Kagurangnan sa atubang kan banal niyang Tabernakulo, huli sa satong mga tinutong na atang, mga sakripisyo sagkod mga dolot para sa katoninongan. Ini an paagi tanganing dai masabi kan saindong mga aki na an samong mga aki dai nin pakilabot sa Kagurangnan.

Josue 22:29

Dai nanggad kami matumang sa Kagurangnan o matalikod saiya ngunyan, huli sa pagpatindog nin altar para sa mga tinutong na atang, mga dolot na pagkakan o mga sakripisyo. Dai kami mapatindog nin ibang altar kundi an altar nin Kagurangnan na satong Dios na nasa atubangan kan Tabernakulo.”

Josue 24:27

Sinabihan niya an gabos na tawo, “An gapong ini iyo an satong saksi. Nadangog kaini an gabos na itinaram sato nin Kagurangnan. Kaya magigin saksi ini laban saindo, tanganing dai kamo magtumang sa saindong Dios.”