Josue 22:27 - Marahay na Bareta Biblia

²⁷ kundi bilang sarong tanda para samo asin para saindo, patin para sa kapagarakian na masunod sa sato, na talagang nagsasaramba kita sa Kagurangnan sa atubang kan banal niyang Tabernakulo, huli sa satong mga tinutong na atang, mga sakripisyo sagkod mga dolot para sa katoninongan. Ini an paagi tanganing dai masabi kan saindong mga aki na an samong mga aki dai nin pakilabot sa Kagurangnan.

Josue 22:27 ပူးပေါင်းရင်းမြစ်များ

Genesis 31:48

Sinabihan ni Laban si Jacob, “An tambak na gapong ini iyo an magpapagiromdom sato.” Kaya an lugar na idto nginaranan Galeed.

Genesis 31:52

Ini an mga saksi na dai ako malampas sa tambak na ini tanganing kalabanon ka asin dai ka man malampas digdi o sa hariging giromdom na ini tanganing kalabanon ako.

Salmo 16:5

An Kagurangnan iyo an sakong kalis asin piniling kahirasan; an sakong buhay saiyang nakakaptan.

Isaias 19:19

Pag-abot kan panahon na iyan, magkakaigwa nin sarong altar para sa Kagurangnan sa daga nin Egipto, asin nin sarong hariging gapo na kinonsagra sa saiya sa pagdolonan nin Egipto.

Deuteronomio 12:11

Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Josue 22:10

Kan makaabot sa Gelilot na nasa parteng solnopan kan Salog nin Jordan an mga tribu ni Ruben, Gad, asin Manases sa sirangan, nagpatindog sinda nin sarong halangkaw saka dakulang altar sa tampi kan salog.

Josue 22:26

Kaya nagpatindog kami nin altar, bakong para sa tinutong na atang ni para sa mga dolot,

Josue 22:28

Napaghorophorop mi, na kun mangyari ini, an samong mga aki makakasabi, ‘Hilinga! An samong mga ginikanan nagtugdok nin altar na kaagid kan altar nin Kagurangnan. Bako iyan para sa mga tinutong na atang o para sa mga sakripisyo kundi bilang tanda para sa samo asin para sa saindo.’

Josue 22:34

Nagsabi an mga tawong gikan ki Ruben asin Gad, “Saksi an altar na ini para sa sato gabos na an Kagurangnan iyo an Dios.” Kaya an altar inapod nindang “Saksi.”

Josue 24:27

Sinabihan niya an gabos na tawo, “An gapong ini iyo an satong saksi. Nadangog kaini an gabos na itinaram sato nin Kagurangnan. Kaya magigin saksi ini laban saindo, tanganing dai kamo magtumang sa saindong Dios.”

1 Samuel 7:12

Nagkua si Samuel nin sarong gapo dangan pinatindog sa pagultanan kan Mizpa asin kan Shen. An gapo inapod niyang Ebenezer huli ta an olay niya, “Tinabangan kita nin Kagurangnan sagkod digdi.”