Josue 22:24 - Marahay na Bareta Biblia

²⁴ Ginibo mi ini huli ta nahahandal kami na sa maabot na aldaw masabi an saindong mga aki sa samong mga aki, ‘Ano an pakilabot nindo sa Kagurangnan, an Dios nin Israel?

Josue 22:24 ပူးပေါင်းရင်းမြစ်များ

Genesis 18:19

Pinili ko siya tanganing pagbotan niya an saiyang mga kapagarakian na magsunod sako asin maggibo kan tama saka matanos. Kun gibohon ninda ini, ootobon ko an gabos na ipinanuga ko saiya.”

Genesis 30:33

Sa maabot na aldaw madali mong maaaraman kun ako nagin onesto sa saimo; kun makahiling ka nin hayop na bakong may patak-patak saka may raya-raya o bakong itom an kolor sa mga hayop ko, ibilang mo iyan na hinabonan ko.”

Exodo 13:14

Sa maabot na panahon, kun maghapot an saindong aking lalaki kun ano an boot sabihon kan ginigibo nindong ini, sabihan nindo, ‘Huli kan saiyang dakulang kapangyarihan, hinale kami nin Kagurangnan sa Egipto, saen nagin mga oripon kami.

Deuteronomio 6:20

“Kun umabot an aldaw na maghapot saindo an saindong mga aki kun tano ta pinagbotan kamo nin Kagurangnan na kuyogon nindo an mga togon saka mga pagboot na ini,

Josue 22:23

Kun kami nagsuhay sa Kagurangnan asin nagpatindog nin sadiri nyamong altar tanganing pagtutongan kan samong mga dolot o tanganing gamiton para sa mga dolot na pagkakan asin sa katoninongan, padusahan logod kami nin Kagurangnan.

Josue 22:25

Ginibo niya an Jordan na kasagkoran mi asin nindo, na gikan ki Ruben asin ki Gad; dai kamo nin pakilabot sa Kagurangnan.’ Dangan pwedeng pugolon kan saindong mga aki an samong mga aki sa pagsamba sa Kagurangnan.

Josue 4:6

An mga gapong iyan iyo an magpapagiromdom sa mga tawo kan ginibo nin Kagurangnan. Sa maabot na panahon, kun maghapot an saindong mga aki kun ano an kahulogan para saindo kan mga gapong iyan,