Josue 22:22 - Marahay na Bareta Biblia

²² “An Mapangyari iyo an Dios! Siya iyo an Kagurangnan! An Mapangyari iyo an Dios! Siya iyo an Kagurangnan! Aram niya kun tano ta ginibo mi ini, asin boot mi man na makaaram kamo. Kun kami nagtumang asin dai nagin maimbod sa Kagurangnan, gadana nindo kami!

Josue 22:22 ပူးပေါင်းရင်းမြစ်များ

1 Mga Hade 8:39

hale sa langit na saimong erokan hinanyoga sinda saka patawada; itao mo an tamang balos sa saindang mga gibo, huli ta ika an nakakaaram kan nasa saindang puso,

An Libro ni Job 10:7

Aram mong mayo ako nin kasalan, saka mayo nin magligtas sako sa saimong kapangyarihan.

An Libro ni Job 23:10

Alagad aram niya an dalan na sakong linalakawan; kun baloon niya ako, makukua niya akong dalisay.

An Libro ni Job 31:22

matanggal logod sa sakong mga abaga an sakuyang mga takyag, asin mabari logod an sakuyang takyag sa may ngalo-ngaloan.

Salmo 136:2

Magpasalamat kamo sa Dios nin mga dios; an saiyang pagkamoot mayo nin kataposan.

Salmo 37:6

Papaliwanagon niya an saimong katanosan arog kan liwanag sa kaodtohan nin aldaw.

Salmo 40:9

Kagurangnan, sa katiriponan kan saimong banwaan, ipinahayag ko an marahay na bareta nin kaligtasan. Aram mong dai ako maontok sa pagrukyaw kaiyan.

Salmo 44:21

dai mo daw iyan maisihan, huli ta aram mo an mga hilom nin puso?

Salmo 44:22

Alagad huli saimo kami ginagadan sa bilog na aldaw, inaarog sa mga karnerong bubunoon.

Salmo 50:1

An Makakamhan na Dios, an Kagurangnan, nagtataram; inaapod niya an bilog na daga magpoon sa sirangan sagkod sa solnopan.

Salmo 82:1

An Dios iyo an namamayo sa langitnon na katiriponan; sa tahaw nin mga dios siya an naghuhukom:

Salmo 95:3

Huli ta an Kagurangnan sarong dakulang Dios asin sarong mapangyaring Hade sa gabos na dios.

Salmo 97:7

Sinosopog an gabos na nagsasamba sa mga ladawan, na naghahambog kan saindang mga dios na mayo nin halaga; gabos na dios minaduko sa atubang niya.

Exodo 18:11

Ngunyan aram ko na nanggad na siya orog ki sa ibang mga dios, huli ta ilinigtas niya an mga Israelita sa pang-aapi sainda kan mga Egipcio.”

Jeremias 12:3

Alagad midbid mo ako, O Kagurangnan; nahihiling mo an ginigibo ko asin kun paano taka namomotan. Guyuda an mga tampalasan na ini arog sa karnerong bubunoon; isiblag mo sinda para sa aldaw nin paggadan sainda.

Jeremias 17:10

Ako, an Kagurangnan, an nagsisiyasat sa isip saka nagbabalo kan puso nin tawo. Tinatratar ko an lambang saro sosog sa saiyang pamumuhay, asin mga ginigibo.”

Daniel 11:36

“Gigibohon kan hade nin Siria an anoman na mawoton niya; ipaghahambog niyang mas dakula siya ki sa arin man na dios, orog pa ki sa Kahorahalangkaweng Dios. Magigibo niya iyan sagkod na mag-abot an panahon kan pagpadusa saiya nin Dios; huli ta kun ano an nasa plano nin Dios iyo an mangyayari.

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Mikas 7:9

Nagkasala kami sa Kagurangnan, kaya kaipuhan tioson mi sa kadikit na panahon an saiyang kaanggotan. Alagad susurogon niya giraray kami asin babaloson an mga nagkasala samo. Dadarahon niya kami sa liwanag; mahihiling nyamo an pagligtas niya samo.

Malakias 3:18

Mahihiling giraray kan sakong banwaan an kalaenan kan nangyayari sa mga matanos asin sa mga tampalasan, sa tawong naglilingkod sa sako saka sa dai.”

Juan 21:17

Ikatolong beses na hinapot siya ni Jesus, “Simon, aki ni Juan, namomotan mo ako?” Namondo si Pedro huli ta hinapot siya ni Jesus nin ikatolong beses kun namomotan niya siya, kaya sinabihan niya si Jesus, “Kagurangnan, aram mo an gabos; aram mong namomotan taka!” Sinabihan siya ni Jesus, “Pakakana an sakong mga karnero.

Mga Gibo 1:24

Dangan namibi sinda, “Kagurangnan, aram mo an nasa puso kan gabos na tawo. Kaya tukdoan samo kun siisay sa duwang ini an pinili mo

Mga Gibo 25:11

Kun nakaginibo ako nin krimen na huli kaiyan dapat akong gadanon, aakoon ko an kagadanan. Alagad kun daing katotoohan an mga sumbong ninda tumang sako, dai ako pwedeng itao sainda nin siisay man. Maapelar ako ki Cesar.”

2 Corinto 11:11

Sinasabi ko daw ini huli ta dai ko kamo namomotan? Aram nin Dios na namomotan ko kamo!

2 Corinto 11:31

An Dios asin Ama ni Jesus na Kagurangnan—omawon logod an ngaran niya sagkod lamang—nakakaaram na dai ako nagpuputik.

2 Corinto 5:11

Kaya huli ta aram mi kun ano an kahulogan kan pagkatakot sa Kagurangnan, sinasadol mi an mga tawo. Aram nin Dios an pagkatawo mi; naglalaom ako na midbid man nindo ako nin marahay.

Deuteronomio 10:17

Huli ta an Kagurangnan na saindong Dios iyo an Dios nin mga dios, an Kagurangnan nin mga kagurangnan, an dakula, an makakamhan asin maninigong katakotan na Dios. Dai siya nin inaapilan asin dai siya nag-aako nin mga suhol.

1 Timoteo 6:16

Siya sana an mayong kagadanan; nabubuhay siya sa liwanag na mayo nin siisay man na makakadolok. Dai pa siya nahiling; dai siya nanggad mahihiling nin siisay man. Saiya an kaomawan asin an kapangyarihan na daing kataposan! Amen.

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.

Josue 22:21

An mga tawong hale sa mga tribu ni Ruben, Gad, asin ni Manases sa sirangan nagsimbag sa mga pamayo kan mga pamilya kan mga tribu sa solnopan:

Kapahayagan 19:16

Nakasurat sa gubing saka hita niya an ngaran na ini: “Hade nin mga hade asin Kagurangnan nin mga kagurangnan.”

Kapahayagan 2:23

Gagadanon ko man an saiyang mga aki tanganing maaraman kan gabos na simbahan na ako iyo an nagsisiyasat sa isip saka puso nin tawo, dangan itatao ko sa lambang saro an maninigo sa saiyang mga gibo.

1 Samuel 15:23

Huli ta an pagrebelde arog sa kasalan nin panghuhula; an katagasan nin payo arog sa kasombikalan asin sa pagsamba sa ladawan. Huli ta sinayumahan mo an pagboot nin Kagurangnan, isinikwal ka man niya bilang hade.”

1 Samuel 2:3

Ontoka an saindong kapaabaw-abawan; ontoka an saindong kahambogan. Huli ta an Kagurangnan sarong Dios na nakakaaram, gabos na gibo nin tawo saiyang hinuhukoman.