Josue 22:20 - Marahay na Bareta Biblia

²⁰ Giromdoma nindo an pagsuhay ni Acan, na aki ni Zera, sa pagboot manongod sa mga bagay na dapat suloon; pinadusahan an bilog na Israel huli kaidto. Bako lamang si Acan an nagadan huli kan saiyang kasalan.”

Josue 22:20 ပူးပေါင်းရင်းမြစ်များ

2 Mga Cronica 24:18

Kaya an mga tawo nag-ontok sa pagsamba sa Templo nin Kagurangnan, an Dios kan saindang mga ginikanan, dangan nagpoon sa pagsamba sa mga dios-dios asin sa mga ladawan kan diosang si Asera. An kagabatan kan saindang kasalan an nagin dahelan kan pagdatong kan kaanggotan nin Dios sa Juda saka sa Jerusalem.

An Libro ni Job 35:8

An saimong karatan nakakaraot sa mga kapwa mo tawo, asin an saimong katanosan nakakatabang sa sainda.

Levitico 10:6

Sinabihan ni Moises si Aaron asin an mga aki kaining si Eleazar saka si Itamar, “Dai nindo pagpabayaan na dai masukray an saindong buhok asin dai nindo paggision an saindong mga gubing sa pagpahiling na kamo nagmomondo. Kun gibohon nindo iyan, magagadan kamo asin maaanggot an Kagurangnan sa bilog na banwaan. Alagad tinutugotan an kapwa nindo Israelita na ipagmondo an kagadanan na ini huli sa ipinadarang kalayo nin Kagurangnan.

1 Corinto 10:6

An gabos na ini sarong pagpatanid sato tanganing dai kita magmawot nin maraot arog kan ginibo ninda.

Josue 22:21

An mga tawong hale sa mga tribu ni Ruben, Gad, asin ni Manases sa sirangan nagsimbag sa mga pamayo kan mga pamilya kan mga tribu sa solnopan:

Josue 7:1

Alagad dai nasunod an pagboot nin Kagurangnan sa Israel na dai magkua sa Jerico kan mga bagay na susuloon. Sarong lalaki na an ngaran Acan an naglapas kan pagboot na ini, kaya naanggot an Kagurangnan sa mga Israelita. (Si Acan iyo an aki ni Carmi asin makoapo ni Zabdi kan kamaganakan ni Zera kan tribu ni Juda.)

Josue 7:18

Saro-sarong pinadolok ni Josue an pamilya ni Zabdi asin napili si Acan na aki ni Carmi asin makoapo ni Zabdi.

Josue 7:24

Si Acan, an plata, an gubing asin an bara nin bulawan dinara ni Josue asin kan mga Israelita sa Kapantayan nin Acor. Dinara man ninda an mga aki ni Acan, an saiyang mga baka, asno, sagkod an mga karnero, an saiyang tolda asin an gabos niyang pagsadiri.

Josue 7:5

Linamag sinda kan mga taga Ai magpoon sa trangkahan kan syudad sagkod sa Shebarim asin ginadan an mga treynta y seis sainda sa dalan palugsot sa bulod. Kaya nagluya an boot kan mga Israelita asin natakot sinda.

2 Pedro 2:6

Pinadusahan man nin Dios na magin abo an mga syudad nin Sodoma saka Gomorra nganing ipahiling an mangyayari ngapit sa mga tawong maraot.