Josue 22:15 - Marahay na Bareta Biblia

¹⁵ Nakaabot sinda sa Gilead, sa mga tribu ni Ruben, Gad, saka ni Manases sa sirangan.

Josue 22:15 ပူးပေါင်းရင်းမြစ်များ

1 Mga Cronica 21:3

Nagsimbag si Joab, “Gibohon logod nin Kagurangnan na magdakul pa nin sanggatos na beses an bilang ngunyan kan namamanwaan sa Israel! Mahal na Hade, mga sorogoon mo sinda gabos. Tadaw ta boot mong gibohon ini? Tadaw ta boot mong magkasala an bilog na nasyon?”

2 Mga Cronica 10:19

Magpoon kaidto sagkod ngunyan nagin rebelde an Israel laban sa paghahade kan kapagarakian ni David.

2 Mga Cronica 25:27

Magpoon kan magtalikod si Amazias sa Kagurangnan, padagos na nagkaigwa nin plano laban saiya duman sa Jerusalem. Nagdulag siya pasiring sa Lakis, alagad linamag siya kan saiyang mga kaiwal dangan ginadan.

2 Mga Cronica 26:18

tanganing pugolan siya. Nagsabi sa hade an mga ini, “Uzzias, mayo ka nin deretso na magtutong nin insenso sa Kagurangnan. An mga aki sana ni Aaron an kinonsagra tanganing maggibo kaiyan. Maghale ka sa banal na lugar na ini. Sala an saimong ginibo, asin dai ka na bebendisyonan nin Kagurangnan Dios.”

2 Mga Cronica 28:13

Nagsabi sinda, “Dai nindo pagdarahon digdi an mga bihag! Nagkasala kita sa Kagurangnan asin pinaanggot nyato siya, kaya maninigo kitang padusahan. Ngunyan boot pa nindong dagdagan an satong kasalan.”

Esdras 9:15

Matanos ka, O Kagurangnan na Dios nin Israel, huli ta may natada samong buhay. Ikinukumpisal nyamo saimo an samong mga kasalan; bako kaming maninigo na magdolok sa saimong atubang.”

Esdras 9:2

An mga Judio nag-agom nin mga dayuhan na babae, kaya nadigtaan an banal na banwaan nin Dios. An mga lider saka an mga opisyal iyo an nangenot sa pagkasala.”

Salmo 78:8

asin tanganing dai sinda makaarog sa saindang mga ginikanan, na sarong matumang asin bakong makinuyog na banwaan; banwaan na bakong masarig an pagtubod sa Dios asin dai nagdanay na maimbod sa saiya.

Exodo 32:8

Tinalikodan na ninda an ipinagboot kong gibohon ninda. Naggibo sinda nin metal na baka, asin sinamba ninda ini saka dinolotan nin atang. Nagsarabi sinda na iyo idto an saindang dios na nagluwas sainda sa Egipto.”

Isaias 63:10

alagad nagrebelde sinda tumang saiya asin pinamondo ninda an saiyang espiritu. Kaya nagin kaiwal ninda an Kagurangnan asin linabanan niya sinda.

Levitico 26:40

“Alagad ikukumpisal kan saindong mga kapagarakian an saindang mga kasalan saka an kasalan kan saindang mga ginikanan na nagsuhay asin nagtumang sako,

Levitico 5:19

Dolot iyan nin kabayadan para sa kasalan na ginibo niya tumang sa Kagurangnan.

Mga Bilang 14:43

Sa oras na labanan nindo an mga Amalekita asin mga Cananeo, magagadan kamo; dai kamo iibahan nin Kagurangnan huli ta nagtalikod kamo saiya.”

Mga Bilang 32:15

Kun dai kamo magkuyog ngunyan sa Kagurangnan, papabayaan niya liwat an mga tawong ini sa kalangtadan, asin kamo an maninimbag kan saindang kagadanan.”

Mga Bilang 5:6

an minasunod na mga katukdoan para sa mga Israelita. Kun dai magin maimbod sa Kagurangnan an siisay man, lalaki man o babae, asin makaginibo nin maraot sa saiyang kapwa,

Mateo 18:17

Kun dai niya kamo dangogon, isumbong mo siya sa simbahan. Kun sagkod sa atubangan kan simbahan, habo ka niyang dangogon, ibilang mo siyang sarong pagano o sarong parasingil nin buhis.

1 Corinto 1:10

Sa ngaran ni Jesu-Cristo na satong Kagurangnan, nakikimaherak ako saindo, mga tugang, na magkaoroyon kamo nganing dai kamo magkabaranga; magkasararo kamo sa isip saka sa katuyohan.

1 Corinto 5:4

Sa pagtiripon nindo, kaiba nindo ako sa espiritu. Sa kapangyarihan ni Jesus na satong Kagurangnan,

Deuteronomio 30:17

Alagad kun magtalikod asin magbinongog-bongog kamo saiya dangan madagka na magsamba sa ibang mga dios-dios,

Deuteronomio 7:4

huli ta dadagkahon ninda an saindong mga aki na talikodan an Kagurangnan tanganing magsamba sa saindang mga dios-dios. Kun mangyari iyan, maaanggot saindo an Kagurangnan asin gagadanon niya kamo tolos.

Hebreyo 12:25

Mag-ingat kamo na dai nindo ipagsikwal an nagtataram saindo. Kun dai nakadulag an mga dai nagdangog sa mga patanid nin Dios kan magtaram siya sa paagi ni Moises, kita pa daw an makadulag kun isikwal ta an nagpapatanid sato hale sa langit?

Josue 22:12

Kan madangog ini kan mga Israelita, nagtiripon sinda gabos sa Shilo tanganing labanan an mga tribu sa sirangan.

Josue 22:14

Nag-iba ki Finehas an sampolong lider, sarong lider hale sa lambang tribu sa solnopan. An lambang saro sainda iyo an pamayo nin pamilya sa saindang kamaganakan.

Josue 22:16

Sa ngaran kan bilog na komunidad nin Kagurangnan, hinapot ninda an mga ini, “Anong katampalasanan ining ginibo nindo tumang sa Dios nin Israel? Kinalaban nindo an Kagurangnan sa pagpatindog kan altar na ini para sa saindong sadiri! Dai na kamo nagsusunod saiya!

Josue 22:18

Nagsasayuma na kamo ngunyan sa pagsunod saiya? Kun magtumang kamo sa Kagurangnan ngunyan, maaanggot siya sa bilog na Israel sa aga.

1 Samuel 15:23

Huli ta an pagrebelde arog sa kasalan nin panghuhula; an katagasan nin payo arog sa kasombikalan asin sa pagsamba sa ladawan. Huli ta sinayumahan mo an pagboot nin Kagurangnan, isinikwal ka man niya bilang hade.”