Josue 21:43 - Marahay na Bareta Biblia

⁴³ Itinao nin Kagurangnan sa Israel an gabos na dagang ipinanuga niya na itatao sa saindang mga ginikanan. Kaya kan masakop ninda ini, duman na sinda nag-erok.

Josue 21:43 ပူးပေါင်းရင်းမြစ်များ

Genesis 12:7

Nagpahiling an Kagurangnan ki Abram asin nagtaram saiya, “Iyo ini an daga na itatao ko sa saimong mga kapagarakian.” Kaya naggibo siya duman nin altar para sa Kagurangnan na nagpahiling saiya.

Genesis 13:15

huli ta an gabos na daga na nahihiling mo itatao ko sa saimo asin sa mga kapagarakian mo sagkod lamang.

Genesis 28:4

Itao logod saimo asin sa saimong mga kapagarakian an bendisyon ni Abraham tanganing masadirihan mo ining daga na pinag-eerokan mo, na itinao nin Dios ki Abraham.”

2 Mga Cronica 20:8

Nag-erok sinda digdi saka nagpatugdok nin sarong templo para sa kaomawan mo, huli ta aram ninda

Nehemias 9:24

Sinakop ninda an daga nin Canaan; dinaog mo an banwaan na nag-erok duman. An saimong banwaan tinawan mo nin kapangyarihan na gibohon an boot ninda sa mga hade saka mga banwaan nin Canaan.

Nehemias 9:8

Nahiling mo na maimbod siya saimo, kaya nakipagtipan ka saiya. Nanuga ka saiya na itatao mo sa saiyang kapagarakian an daga kan mga Cananeo, mga Heteo, mga Amoreo, mga Pereseo, mga Jebuseo, asin mga Gergeseo. Inotob mo an saimong panuga, huli ta ika matanos.

Salmo 105:8

An saiyang tipan ginigiromdom niya sagkod pa man, an saiyang panuga para sa rinibong henerasyon;

Salmo 44:3

Bakong huli sa saindang espada napasainda an daga; bakong huli sa saindang kosog nakamtan an panggana; kundi huli sa too mong kamot asin takyag patin sa liwanag kan lalawogon mo; huli ta sinda nawilihan mo.

Salmo 78:55

Pinahale niya sa daga an mga nag-eerok duman, mantang nagdadangadang an saiyang banwaan; binanga niya an saindang daga sa mga tribu nin Israel asin itinao sa mga Israelita an saindang mga harong.

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Jeremias 32:23

Alagad kan mag-abot sinda asin masakop an dagang ini, dai ninda kinuyog an mga pagboot mo, ni namuhay sosog sa saimong katukdoan. Dai ninda ginibo an arin man sa mga pagboot mo, kaya pinadarahan mo sinda kan gabos na kasakitan na ini.

Mga Bilang 33:53

Sakopon nindo an daga asin erokan nindo, huli ta itinatao ko iyan saindo bilang pagsadiri.

Mga Bilang 34:2

an minasunod na mga katukdoan para sa banwaan nin Israel: “Paglaog nindo sa Canaan, an dagang itinatao ko saindo, iyo ini an magigin pagdolonan nindo.

Deuteronomio 11:31

Madali na nindong balyohon an Salog nin Jordan asin sakopon an dagang itinatao saindo nin Kagurangnan na saindong Dios. Kun masadirihan na nindo an daga asin mag-erok na kamo duman,

Deuteronomio 12:29

“Rurumpagon nin Kagurangnan na saindong Dios an mga nasyon mantang sinasakop nindo an saindang daga, asin iyan saindong masasadirihan dangan pag-eerokan.

Deuteronomio 17:14

“Pakatapos na masadirihan nindo an daga na itatao saindo nin Kagurangnan na saindong Dios asin mag-erok na kamo duman, dangan magdesisyon kamo na magkaigwa nin hade arog kan mga nasyon sa palibot nindo,

Deuteronomio 34:4

Dangan nagtaram an Kagurangnan ki Moises, “Iyo iyan an daga na sakong ipinanuga ki Abraham, ki Isaac asin ki Jacob na itatao sa saindang mga kapagarakian. Ipinapahiling ko iyan saimo, alagad dai taka tutugotan na makaabot duman.”

Josue 1:6

Magmaisog ka asin pakosoga an saimong boot, huli ta ika an mangengenot kaining mga tawo sa pagsakop ninda sa dagang ipinanuga ko sa saindang mga ginikanan.

Hukom 11:24

Tano ta boot nindong kuahon iyan ngunyan? Saindo na an itinao saindo ni Kemos na saindong dios-dios, alagad sasadirihon mi an kinua para sa samo nin Kagurangnan na samong Dios.

1 Samuel 12:8

Kan magduman sa Egipto si Jacob asin an saiyang pamilya dangan inapi sinda kan mga Egipcio, nag-agrangay sa Kagurangnan an saindong mga ginikanan tanganing tabangan sinda. Sinugo nin Kagurangnan si Moises saka si Aaron, na nagluwas sainda sa Egipto asin nagpaerok sainda sa dagang ini.