Josue 21:3 - Marahay na Bareta Biblia

³ Kaya sosog sa pagboot nin Kagurangnan, an mga Levita tinawan kan mga Israelita nin mga syudad saka mga dagang pasabsaban hale sa saindang mga kahirasan.

Josue 21:3 ပူးပေါင်းရင်းမြစ်များ

Genesis 49:7

Sumpaon logod an saindang kaanggotan, huli ta grabe nin marahay, Asin an saindang labi-labing kaanggotan, huli ta sobra an kakurihan. Iwawarak ko sinda sa bilog na daga nin Israel, Sa kaibahan kan mga tawo na nag-eerok diyan.

Mga Bilang 35:7

Kaya kwarenta y otso gabos an syudad na itatao nindo sa mga Levita kaiba an mga dagang pasabsaban.

Josue 21:2

Nagsabi sinda sainda duman sa Shilo, sa daga nin Canaan, “Nagboot an Kagurangnan huli ki Moises na tawan kami nin mga syudad na eerokan, siring man nin mga dagang pasabsaban para sa samong mga hayop.”

Josue 21:4

An enot na tinawan nin mga syudad iyo an mga pamilya kan kamaganakan ni Kohat. An mga pamilya na gikan ki Aaron na padi tinawan nin treseng syudad hale sa daga ni Juda, Simeon, asin Benjamin.

Josue 21:41

Hale sa gabos na daga kan bilog na Israel, kwarenta y otsong syudad gabos, kaiba an mga dagang pasabsaban, an itinao sa mga Levita.