Josue 2:24 - Marahay na Bareta Biblia

²⁴ dangan nagsabi, “Daing duwa-duwa na itinao na sato nin Kagurangnan an bilog na daga. Tarakot sato an gabos na tawo duman.”

Josue 2:24 ပူးပေါင်းရင်းမြစ်များ

Exodo 15:15

Mga lider nin Edom napano nin katakotan; makokosog na lalaki sa Moab pinagtarakigan; nawaraan nin isog gabos na taga Canaan.

Exodo 23:31

Ibubugtak ko an mga kasagkoran kan saindong daga magpoon sa Salog nin Eufrates sagkod sa Dagat na Pula, asin magpoon sa kalangtadan sagkod sa Dagat nin Mediteraneo. Ibubugtak ko sa saindong mga kamot an mga nag-eerok sa daga asin papahaleon nindo sinda mantang naglalaog kamo sa daga.

Mga Talinhaga 25:13

An maimbod na sugo kaginhawahan kan nagsugo, arog kan malipot na tubig sa panahon nin tig-init.

Josue 1:8

Dai mo paglingawan na basahon an libro kan katogonan sa saimong pagsamba. Horophoropon mo iyan aldaw-banggi, saka kuyogon mo nanggad an mga nakasurat diyan. Dangan magigin mauswag ka asin paladan.

Josue 2:23

Dangan naglugsot sa kabubuldan an duwang espiya, nagbalyo sa salog asin nagbalik ki Josue. Inosip ninda saiya an gabos na nangyari sainda

Josue 5:1

Nabaretaan kan gabos na hadeng Amoreo sa solnopan kan Jordan asin kan mga hadeng Cananeo sa tampi kan Dagat nin Mediteraneo, an ginibo nin Kagurangnan na pagpamara kan Jordan sagkod na makabalyo an bilog na banwaan nin Israel. Nagkatarakot sinda asin nawaraan nin isog huli sa mga Israelita.

Josue 6:2

Tinaraman nin Kagurangnan si Josue, “Itinatao ko sa saimong mga kamot an Jerico kaiba an saiyang hade saka maiisog na mga soldados.

Josue 8:1

Tinaraman nin Kagurangnan si Josue, “Darahon mo an gabos mong soldados asin magduman kamo sa Ai. Dai kamo matakot o manluya. Tatawan ko kamo nin kapangganahan laban sa hade kan Ai; mapapasaindo an saiyang mga nasasakopan, syudad asin daga.

Hukom 1:2

Nagtaram an Kagurangnan, “Maeenot an tribu ni Juda; itatao ko an daga sa saindang mga kamot.”

Hukom 18:10

Pag-abot nindo duman, mahihiling nindo na dai lamang nagsususpetsa an mga tawo. Mahiwas an daga asin yaon duman an gabos na kaipuhan nin siisay man. Itinatao idto nin Dios sa saindo.”

Hukom 7:9

Kan bangging idto, pinagbotan nin Kagurangnan si Gideon, “Bumangon ka asin salakayon mo an kampo kan mga Midianita; itinatao ko saimo an kapangganahan.