Josue 2:19 - Marahay na Bareta Biblia

¹⁹ Kun may magluwas sa saimong harong, dai kami mababasol kun siya magadan; sala niya iyan. Alagad kun may makulogan sa mga kairiba mo sa laog kan harong, kami an maninimbag kaiyan.

Josue 2:19 ပူးပေါင်းရင်းမြစ်များ

2 Samuel 1:16

asin sinabihan ni David an Amalekita, “Hinukoman mo an saimong sadiri kan sabihon mong ginadan mo an linahidan nin Kagurangnan.”

2 Samuel 4:11

Gurano pa daw karaot an sakong gigibohon sa mga maraot na tawo na guminadan nin sarong matanos, na nagkakatorog sa sadiri niyang harong? Bako daw na hahagadon ko sa saindo an saiyang dugo asin paparaon ko kamo sa ibabaw nin daga?”

1 Mga Hade 2:32

Papadusahan siya nin Kagurangnan huli ta ginadan niya an duwang lalaking orog na matanos ki sa saiya, si Abner na pamayo kan hukbo nin Israel, asin si Amasa na pamayo kan hukbo nin Juda. Ginadan niya an duwang ini na dai nakakaaram an sakong ama na si David.

Exodo 12:13

An dugo sa mga hamba asin sa itaas kan mga pintoan iyo an tanda kan mga harong na pinag-eerokan nindo. Sa oras na mahiling ko an dugo, lilihisan ko kamo asin mayo nin mangyayari saindo mantang pinapadusahan ko an mga Egipcio.

Exodo 12:22

Kumua kamo kan sanga nin isopo, ibuntog nindo iyan sa dugo na nasa palanggana, asin ilahid sa mga hamba saka sa itaas kan mga pinto. Dangan mayo na sa saindong magluwas sa harong sagkod mag-aga.

Exodo 12:23

Malibot an Kagurangnan sa Egipto tanganing gadanon an mga Egipcio. Sa oras na mahiling niya an dugo sa mga hamba asin sa itaas kan mga pinto, dai niya tutugotan na lumaog an paragadan sa saindong mga harong tanganing gadanon kamo.

Levitico 20:11

An siisay man na lalaking magdorog sa saro kan mga agom kan saiyang ama, nagdadara nin kasosopgan sa saiyang ama asin dapat gadanon kaiba kan babae. Sinda an responsable kan sadiri nindang kagadanan.

Levitico 20:9

Itinao nin Kagurangnan an minasunod na pagsusundon. An siisay man na magsumpa kan saiyang ama o ina gagadanon; responsable siya kan saiyang kagadanan.

Mateo 24:17

An nasa atop kan saiyang harong dai na dapat magbaba sa pagkua kan saiyang mga kagamitan.

Mga Gibo 18:6

Kan sinalungat siya ninda saka pinag-olog-olog, pinagpag niya an alpog sa saiyang gubing dangan sinabihan sinda, “Kamo an babasolon kun kamo mapahamak; bakong ako! Magpoon ngunyan, maduman ako sa mga pagano.”

Mga Gibo 20:26

Kaya sinasabi ko saindo ngunyan na aldaw, na kun may mapahamak saindo, bako na ako an may sala.

Mga Gibo 27:31

Alagad sinabihan ni Pablo an opisyal saka an mga soldados, “Kun an mga marinero humale sa sakayan, dai kamo makakaligtas.”

Filipos 3:9

asin makisumaro saiya. Mayo na ako nin sadiring katanosan, an katanosan na nakukua sa pagkuyog kan Katogonan. Igwa na ako ngunyan nin katanosan na itinatao huli sa pagtubod ki Cristo, katanosan na hale sa Dios asin napapatugmad sa pagtubod.

Hebreyo 10:29

Kun siring, ano an mangyayari sa tawong nag-olog-olog kan Aki nin Dios, saka nagbasang-basang kan dugo kan tipan nin Dios na naglinig saiya, patin nag-insulto kan Espiritu nin biyaya? Isip-isipa kun gurano kagabat an padusa na itatao saiya!

Josue 2:12

Magsumpa kamo sako ngunyan sa ngaran nin Kagurangnan, na maheherak kamo sa sakong pamilya siring kan ginibo ko saindo, dangan tawan nindo ako nin tanda na mapapaniwalaan ko kamo.

Josue 2:14

Nagsabi saiya an mga lalaki, “Gadanon logod kami nin Dios kun dai mi gibohon an samong sinasabi. Kun dai ka mag-osip sa kiisay man kan samong ginigibo, nanunuga kami, na magigin marahay an pagtratar mi saimo kun itao na samo nin Kagurangnan an dagang ini.”

Josue 2:20

Alagad kun iosip mo sa iba ining ginigibo mi, dai kaipuhan na otobon mi an panuga na ipinagibo mo samo.”