Josue 2:18 - Marahay na Bareta Biblia

¹⁸ Ini an gibohon mo. Pagsalakay mi sa saindong daga, igakod mo an pulang lubid na ini sa bintanang pinaagihan mo samo. Tiponon mo sa saimong harong an saimong ama, ina, mga tugang sagkod an bilog na pamilya kan saimong ama.

Josue 2:18 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 7:1

Tinaraman nin Kagurangnan si Noe, “Lumaog ka sa arka kaiba an bilog mong pamilya huli ta ika sana an nahiling kong naggigibo nin matanos sa henerasyon na ini.

Esther 8:6

Huli ta paano ko matatagalan an paghiling sa kasakitan na maabot sa sakong banwaan? Paano ko matatagalan an paghiling kan pagkatunaw kan sadiri kong mga kadugo?”

Exodo 12:13

An dugo sa mga hamba asin sa itaas kan mga pintoan iyo an tanda kan mga harong na pinag-eerokan nindo. Sa oras na mahiling ko an dugo, lilihisan ko kamo asin mayo nin mangyayari saindo mantang pinapadusahan ko an mga Egipcio.

Awit nin mga Awit 4:3

An saimong mga ngabil arog sa eskarlatang torsido; magayon sinda nin marahay orog na kun ika nagtataram. Namumula an saimong pisngi sa likod kan saimong belo.

Levitico 14:4

pagbobotan kan padi an mga tawo na magdara nin duwang buhay saka malinig na gamgam, sarong sadit na pedaso nin kahoy na sedro, sarong pulang pisi asin sarong sanga kan isopo para sa tawong lilinigan.

Mga Bilang 19:6

Dangan makua siya nin kahoy na sedro, sarong sanga nin isopo, asin sarong pulang lubid; an mga iyan itatapok niya sa kalayong pinagtututongan kan baka.

Mga Bilang 4:8

Sa ibabaw kan mga kagamitan na iyan, ibibiklad ninda an sarong pulang tela, dangan papatoson nin anit nin kanding. Pakatapos isusurok ninda an mga pasanan.

Lukas 19:9

Nagsabi si Jesus saiya, “Ngunyan na aldaw nag-abot an kaligtasan sa pamilyang ini, huli ta an tawong ini gikan man ki Abraham.

Mga Gibo 10:27

Padagos na nagtaram si Pedro ki Cornelio kan palaog na sinda sa harong; duman naabotan niya an dakul na tawo.

Mga Gibo 10:33

Kaya pinasugoan taka. Salamat ta nagdigdi ka. Ngunyan uya kami gabos sa atubang nin Dios sa pagdangog kan gabos na ipinagboot saimo nin Dios na isabi samo.”

Mga Gibo 11:14

Ipapahayag niya saimo kun paano ka makakaligtas sagkod an saimong pamilya.’

2 Timoteo 1:16

Maherakan logod nin Kagurangnan an pamilya ni Onesiforo, huli ta dakul na beses niya akong rinanga. Dai niya ikinasopog na nasa bilanggoan ako,

Hebreyo 9:19

Ipinahayag ngona ni Moises sa mga tawo an mga pagboot kan Katogonan. Pakatapos, nagkua siya nin dugo kan mga toro saka mga kanding, sinalakan niya iyan nin tubig dangan winirikan an libro kan Katogonan patin an gabos na tawo sa paagi kan paggamit nin telang lana saka sarong sanga nin isopo.

Josue 2:21

Nag-oyon si Rahab asin pinahale na niya an mga lalaki. Kan dai na sinda, iginakod niya sa bintana an pulang lubid.

Josue 6:23

Kaya nagduman sinda asin ilinuwas ninda si Rahab, kaiba an saiyang ama saka ina, an saiyang mga tugang, sagkod an iba pang kaayon kan saiyang pamilya. Dinara sinda gabos kan mga espiya sa ligtas na lugar harani sa kampo kan Israel.

Josue 6:25

Alagad dai ipinagadan ni Josue an maraot na babaeng si Rahab saka an gabos niyang kadugo, huli ta tinago ni Rahab an duwang espiya na sinugo niya sa Jerico. (Sagkod ngunyan nag-eerok sa Israel an saiyang kapagarakian.)