Josue 2:16 - Marahay na Bareta Biblia

¹⁶ “Magpasiring kamo sa kabubuldan,” an olay niya sainda, “ta tibaad masabat kamo kan mga naglalamag saindo. Magtago kamo duman sa laog nin tolong aldaw sagkod na magbalik sinda; dangan magpadagos na kamo sa saindong paglakaw.”

Josue 2:16 ပူးပေါင်းရင်းမြစ်များ

Salmo 11:1

Minasarig ako sa Kagurangnan. Tadaw ta minasabi ka sako, “Lumayog ka siring sa sarong gamgam pasiring sa kabubuldan,

Santiago 2:25

Siring man an nangyari ki Rahab, an maraot na babae. Nagin matanos siya huli kan saiyang mga gibo, kan padagoson niya sa saiyang harong an mga espiyang Israelita dangan tabangan sindang umagi sa ibang dalan paghale ninda.

Josue 2:15

Nag-eerok si Rahab sa sarong harong na itinugdok sa kudal kan syudad, kaya an mga lalaki pinababa niya sa paagi nin sarong lubid na itinunton sa bintana.

Josue 2:22

Nagpasiring sa kabubuldan an mga espiya asin nagtago. Hinanap sinda kan mga tawohan kan hade sa laog nin tolong aldaw alagad dai sinda nakua, kaya nagbalik na an mga ini sa Jerico.

1 Samuel 23:14

Nagtago si David sa kabubuldan, sa kalangtadan nin Zif. Padagos man si Saul sa paghingowa na makua siya, alagad dai siya itinao nin Dios ki Saul.

1 Samuel 23:29

Naghale duman si David asin nag-erok sa rehiyon nin Engedi.