Josue 2:14 - Marahay na Bareta Biblia

¹⁴ Nagsabi saiya an mga lalaki, “Gadanon logod kami nin Dios kun dai mi gibohon an samong sinasabi. Kun dai ka mag-osip sa kiisay man kan samong ginigibo, nanunuga kami, na magigin marahay an pagtratar mi saimo kun itao na samo nin Kagurangnan an dagang ini.”

Josue 2:14 ပူးပေါင်းရင်းမြစ်များ

Genesis 24:49

Kaya sabihi ako ngunyan kun ano an nasa boot nindo tanganing makadesidir ako kun ano an dapat kong gibohon.”

Genesis 47:29

Kan madali na siyang magadan, inapod niya an aki niyang si Jose asin sinabihan, “Ibugtak mo an saimong kamot sa pagultanan kan sakong mga hita asin magsumpa ka na dai mo ako ilulubong sa Egipto.

2 Samuel 2:5

nagpadara siya nin mga lalaki duman tanganing magsabi, “Bendisyonan logod kamo nin Kagurangnan huli kan pagpahiling nindo kan saindong kaimbodan sa saindong hade sa paglubong saiya.

2 Samuel 2:6

Kaherakan logod kamo nin Kagurangnan asin magin maimbod logod siya saindo. Gigibohan ko kamo nin marahay huli kan saindong ginibo.

2 Samuel 9:1

Sarong aldaw, naghapot si David, “Igwa pa daw nin natatada sa pamilya ni Saul? Kun igwa, boot kong ipahiling saiya an sakong pagkaherak huli ki Jonatan.”

1 Mga Hade 20:39

Pag-agi kan hade, inapod siya kan propeta saka sinabihan, “Mahal na Hade, kan ako nakikilaban sa gera, sarong bihag an dinara sako nin sarong soldados. An sabi niya, ‘Bantayan mo an tawong ini; kun makadulag siya, buhay mo an kabayadan o magmumulta ka nin tres mil na pedaso nin plata.’

Mga Talinhaga 14:22

Bako daw kasalan an pag-isip nin maraot? An nag-iisip nin marahay sinasarigan saka ginagalangan.

Mga Talinhaga 18:24

May pagkakatood na dai naghahaloy, alagad may katood na labi pa sa tugang.

Mateo 5:7

“Paladan an mga maheherakon, huli ta sinda maheherakan!

Mga Gibo 23:22

Nagsabi an komandante, “Dai ka magsabi sa kiisay man na isinumbong mo ini sako.” Dangan pinahale na niya an hoben.

Josue 2:13

Manuga kamo sako na ililigtas nindo an sakong ama, ina, mga tugang na lalaki saka babae, sagkod an saindang mga pamilya! Dai nindo kami ipagpagadan!”

Josue 2:15

Nag-eerok si Rahab sa sarong harong na itinugdok sa kudal kan syudad, kaya an mga lalaki pinababa niya sa paagi nin sarong lubid na itinunton sa bintana.

Josue 6:17

Suloon nindo an gabos na yaon diyan bilang sarong atang sa Kagurangnan. An maraot na babae sanang si Rahab asin an mga kaibahan niya sa harong an bubuhayon nindo huli ta tinago niya an satong mga espiya.

Josue 6:22

Dangan sinabihan ni Josue an duwang lalaki na nagsiyasat kan syudad, “Magduman kamo sa harong kan maraot na babae, asin iluwas nindo siya kaiba an saiyang pamilya, siring sa ipinanuga nindo saiya.”

Josue 6:25

Alagad dai ipinagadan ni Josue an maraot na babaeng si Rahab saka an gabos niyang kadugo, huli ta tinago ni Rahab an duwang espiya na sinugo niya sa Jerico. (Sagkod ngunyan nag-eerok sa Israel an saiyang kapagarakian.)

1 Samuel 20:8

Kaya nakikimaherak ako saimo, na otobon mo an banal mong panuga sako. Alagad kun igwa akong kasalan, ika na mismo an gumadan sako! Tano ta kaipuhan pang darahon mo ako sa saimong ama?”