Josue 2:12 - Marahay na Bareta Biblia

¹² Magsumpa kamo sako ngunyan sa ngaran nin Kagurangnan, na maheherak kamo sa sakong pamilya siring kan ginibo ko saindo, dangan tawan nindo ako nin tanda na mapapaniwalaan ko kamo.

Josue 2:12 ပူးပေါင်းရင်းမြစ်များ

Genesis 21:23

Kaya ngunyan magsumpa ka sa atubang nin Dios na dai mo ako lolokohon, ni an sakong mga aki o an sakong mga kapagarakian. Nagin marahay ako saimo kaya mangako kang siring man an ibabalos mo sako asin sa dagang ini na saimong pinag-eerokan.”

Genesis 24:3

Isumpa mo sa ngaran nin Kagurangnan, an Dios kan langit asin daga, na an sakong aki dai mo ikukua nin agom na gikan sa Canaan na pinakikihimanwahan ko.

Genesis 24:9

Kaya ibinugtak kan sorogoon sa pagultanan kan mga hita ni Abraham an saiyang kamot dangan nagsumpa na gigibohon an hinahagad saiya ni Abraham.

Genesis 40:14

Alagad giromdoma man ako kun nasa marahay ka nang kamugtakan, na maonabihan mo ako sa hade asin matabangan na makaluwas digdi sa bilanggoan.

2 Mga Cronica 36:13

Nagrebelde si Zedekias laban ki Hadeng Nebukadnezzar na nagpirit saiya na magsumpa sa ngaran nin Dios na siya magigin maimbod ki Nebukadnezzar. Nagin matagas an saiyang puso asin nagsayuma siyang magbalik sa Kagurangnan, an Dios nin Israel.

Esther 8:6

Huli ta paano ko matatagalan an paghiling sa kasakitan na maabot sa sakong banwaan? Paano ko matatagalan an paghiling kan pagkatunaw kan sadiri kong mga kadugo?”

Exodo 12:13

An dugo sa mga hamba asin sa itaas kan mga pintoan iyo an tanda kan mga harong na pinag-eerokan nindo. Sa oras na mahiling ko an dugo, lilihisan ko kamo asin mayo nin mangyayari saindo mantang pinapadusahan ko an mga Egipcio.

Jeremias 12:16

Kun bilog na puso nindang aakoon an pagtubod kan sakong banwaan saka manumpa nin ‘Siring na nabubuhay an Kagurangnan,’—arog kan itinukdo ninda sa sakong banwaan na pagsumpa ki Baal—magigin kaayon sinda kan sakong banwaan saka magigin mauswag sinda.

Markos 14:44

Tinawan sinda ni Judas nin sarong tanda, “An hadokan ko iyo iyan. Dakopon nindo siya dangan darahon, alagad bantayan nindo nin marahay.”

Roma 1:31

mga lolong, mga bakong maimbod, mga mayong puso asin pagkaherak sa kapwa.

1 Timoteo 5:8

An siisay man na dai nag-aataman sa saiyang mga kadugo, orog na sa sadiri niyang pamilya, nagtalikod na sa pagtubod asin mas maraot pa siya ki kan bakong paratubod.

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.

Josue 2:13

Manuga kamo sako na ililigtas nindo an sakong ama, ina, mga tugang na lalaki saka babae, sagkod an saindang mga pamilya! Dai nindo kami ipagpagadan!”

Josue 2:18

Ini an gibohon mo. Pagsalakay mi sa saindong daga, igakod mo an pulang lubid na ini sa bintanang pinaagihan mo samo. Tiponon mo sa saimong harong an saimong ama, ina, mga tugang sagkod an bilog na pamilya kan saimong ama.

Josue 2:19

Kun may magluwas sa saimong harong, dai kami mababasol kun siya magadan; sala niya iyan. Alagad kun may makulogan sa mga kairiba mo sa laog kan harong, kami an maninimbag kaiyan.

Josue 6:22

Dangan sinabihan ni Josue an duwang lalaki na nagsiyasat kan syudad, “Magduman kamo sa harong kan maraot na babae, asin iluwas nindo siya kaiba an saiyang pamilya, siring sa ipinanuga nindo saiya.”

Josue 9:15

Nakipagtipan si Josue sa mga taga Gibeon asin tinugotan niya sindang mabuhay. Nagsumpa an mga lider kan banwaan nin Israel na ootobon ninda an tipan.

Hukom 1:24

na nakahiling nin sarong lalaki na nagluwas sa syudad, asin sinabihan ninda, “Itukdo mo samo kun paano kami makakalaog sa syudad asin dai mi ika kukulogan.”

1 Samuel 30:15

Hinapot siya ni David, “Pwede mo daw akong giyahan pasiring sa mga parasalakay na idto?” Nagsimbag an hoben, “Pwede, kun manuga ka sako sa ngaran nin Dios na dai mo ako gagadanon o ibabalik sa sakong kagurangnan.”