Josue 2:11 - Marahay na Bareta Biblia

¹¹ Pagkadangog mi kaini, nagkatarakot kami; nawaraan kami nin isog huli saindo. An Kagurangnan na saindong Dios, iyo an Dios sa langit asin sa daga.

Josue 2:11 ပူးပေါင်းရင်းမြစ်များ

1 Mga Hade 8:60

tanganing maaraman kan gabos na nasyon sa kinaban na an Kagurangnan iyo sana an Dios; mayo na nin iba.

2 Mga Hade 5:15

Nagbalik siya ki Eliseo kaiba an gabos niyang tawohan dangan nagsabi, “Ngunyan naaaraman ko na mayo nin Dios sa bilog na daga kundi sa Israel sana. Kaya nakikimaherak ako na akoon mo an regalong hale sako.”

Nehemias 6:16

Kan maaraman ini kan gabos ming kaiwal sa mga kataraed na nasyon, nagkatarakot sinda gabos asin nagkasoropog, huli ta aram ninda na an trabaho nahaman sa tabang nin samuyang Dios.

Esther 8:17

Kan basahon an pagboot kan hade sa lambang syudad saka probinsya, maogmang nagpyesta an mga Judio, nagbangkete saka nag-ogma. Dakul na tawo an nagpahayag na sinda mga Judio, huli ta natakot sinda sa mga Judio.

Salmo 102:15

An mga nasyon matatakot sa ngaran nin Kagurangnan; an mga hade sa daga matatakot sa saiyang kamurawayan.

Salmo 22:14

Siring sa tubig kosog ko inuula, asin naggigirilo-gilo gabos kong mga tulang; an sakuyang puso siring sa taro, na natutunaw sa sakong daghan.

Salmo 58:7

Mapara logod sinda siring sa minabulos na tubig; siring sa doot, timaktimakan logod sinda asin maalang.

Salmo 83:18

Masabotan logod ninda na ika sana an Kagurangnan; na ika an orog kahalangkaw sa bilog na kinaban.

Exodo 15:14

Nakadangog an mga banwaan asin tinarakigan; mga Filisteo makuring takot an namatean.

Exodo 15:15

Mga lider nin Edom napano nin katakotan; makokosog na lalaki sa Moab pinagtarakigan; nawaraan nin isog gabos na taga Canaan.

Isaias 13:7

Kaya panruruluyahon an gabos na kamot asin mawawaraan nin kosog nin boot an gabos na tawo.

Isaias 19:1

Iyo ini an mensahe dapit sa Egipto. Madatong sa Egipto an Kagurangnan lunad sa sarong marikas na panganoron; tatarakigan an mga ladawan nin Egipto asin mawawaraan nin kosog nin boot an mga Egipcio.

Ezekiel 21:15

An espadang iyan nakakapaluya kan boot kan sakuyang banwaan asin nakakapatumba sainda. An saindang syudad hinuhomaan ko nin sarong espada na nagsisilyab siring sa kikilat asin andam sa paggadan.

Nahum 2:10

An Nineve raot na, binayaan na nin tawo, asin mamondo! Nanluluya na sa takot an mga puso; nagtatakig an mga tuhod, mayo na an kosog; nanlolongsi an mga lalawogon.

Deuteronomio 1:28

Tano na magduman kita? Tinakot kita kan satuyang mga sinugo na nagsasabing darakula saka haralangkaw ki sa sato an mga tawo duman, asin nag-eerok sinda sa mga syudad na an kudal abot sa langit. Nakahiling sinda nin mga higante duman!’

Deuteronomio 20:8

“Masabi pa sa hukbo an mga opisyal, ‘Igwa digdi sa saindong takot asin maluya an boot? Kun igwa, magpuli na siya; tibaad mapaluya pa niya an boot kan iba.’

Deuteronomio 4:39

Kaya giromdoma nindo ngunyan asin dai nanggad nindo paglingawan na an Kagurangnan iyo an Dios sa langit asin sa daga; mayo na nin ibang dios.

Josue 14:8

Tinakot an mga tawo kan mga kairiba ko, alagad maimbod na kinuyog ko an Kagurangnan na sakong Dios.

Josue 2:24

dangan nagsabi, “Daing duwa-duwa na itinao na sato nin Kagurangnan an bilog na daga. Tarakot sato an gabos na tawo duman.”

Josue 5:1

Nabaretaan kan gabos na hadeng Amoreo sa solnopan kan Jordan asin kan mga hadeng Cananeo sa tampi kan Dagat nin Mediteraneo, an ginibo nin Kagurangnan na pagpamara kan Jordan sagkod na makabalyo an bilog na banwaan nin Israel. Nagkatarakot sinda asin nawaraan nin isog huli sa mga Israelita.

Josue 7:5

Linamag sinda kan mga taga Ai magpoon sa trangkahan kan syudad sagkod sa Shebarim asin ginadan an mga treynta y seis sainda sa dalan palugsot sa bulod. Kaya nagluya an boot kan mga Israelita asin natakot sinda.

Josue 9:24

Nagsimbag sinda, “Ginibo mi idto huli ta naaraman mi na totoong ipinagboot nin Kagurangnan, na saindong Dios, sa sorogoon niyang si Moises na itao saindo an bilog na daga asin gadanon an mga tawong nag-eerok diyan. Ginibo mi idto huli ta natatakot kami na tibaad gadanon nindo kami.

Kapahayagan 6:16

Nagkurahaw sinda sa mga bukid saka sa mga darakulang gapo, “Rumpagi kami nindo asin tagoa kami tanganing dai mi mahiling an nakatukaw sa trono asin tanganing makaligtas kami sa kaanggotan kan Kordero!