Josue 2:1 - Marahay na Bareta Biblia

¹ Hale sa kampo sa Sittim, nagpadara si Josue nin duwang espiya asin pinagbotan na hilom nindang siyasaton an Canaan, orog na an syudad kan Jerico. Pag-abot ninda sa syudad, nagdagos sinda sa harong nin sarong maraot na babae na an ngaran Rahab, tanganing duman makitorog.

Josue 2:1 ပူးပေါင်းရင်းမြစ်များ

Genesis 42:16

Magpuli an saro saindo asin kuahon siya; an iba saindo ibibilanggo sagkod na mapatunayan na totoo an saindong sinabi. Alagad kun bako, minasumpa ako sa ngaran kan hade, na mga espiya kamo.”

Genesis 42:9

Nagiromdoman ni Jose an saiyang mga pangatorogan. Nagsabi siya sainda, “Mga espiya kamo; nagdigdi kamo tanganing aramon an kaluyahan kan dagang ini.”

Mikas 6:5

Banwaan ko, giromdoma an plano ni Hadeng Balak nin Moab sa saimo asin kun paano siya sinimbag ni Balaam na aking lalaki ni Beor. Giromdoma an mga pangyayari sa dalan magpoon sa kampo sa Sittim sagkod sa Gilgal. Giromdoma an mga bagay na ini asin maaaraman mo kun ano an ginibo ko tanganing iligtas ka.”

Mga Bilang 13:1

Nagtaram an Kagurangnan ki Moises,

Mga Bilang 13:2

“Pumili ka nin sarong lider sa lambang tribu asin ipadara mo sinda bilang mga espiya tanganing magsiyasat sa daga nin Canaan, an dagang itatao ko sa banwaan nin Israel.”

Mga Bilang 25:1

Kan magkampo sa Sittim an mga Israelita, nagpoon na makidorog an mga lalaki sa mga babaeng Moabita na yaon duman.

Mateo 1:5

si Salmon ama ni Boaz (si Rahab an saiyang ina), si Boaz ama ni Obed (si Ruth an saiyang ina), si Obed ama ni Jesse;

Mateo 10:16

“Magdangog kamo! Sinusugo ko kamo na garo mga karnero sa tahaw nin mga lobo. Magpakamaingat kamo arog kan mga halas asin magpakamahoyo arog kan mga salampati.

Efeso 5:5

Aram nindo na an tawong marigsok o dusta o paslo (an kapasloan sarong pagsamba sa dios-dios) dai magkakaigwa nin pamana sa Kahadean ni Cristo asin nin Dios.

Hebreyo 11:31

Huli sa pagtubod, si Rahab, an maraot na babae, dai nagadan kaiba kan mga dai nagkuyog sa Dios, huli ta pinadagos niya sa saiyang harong siring sa mga katood an mga espiyang Israelita.

Santiago 2:25

Siring man an nangyari ki Rahab, an maraot na babae. Nagin matanos siya huli kan saiyang mga gibo, kan padagoson niya sa saiyang harong an mga espiyang Israelita dangan tabangan sindang umagi sa ibang dalan paghale ninda.

Josue 1:18

Gagadanon an siisay man na maglapas kan saimong togon asin magsuhay kan saimong pagboot. Magmaisog ka asin pakosoga an saimong boot!”

Josue 2:2

Naaraman kan hade nin Jerico na may nagkapirang Israelita na nag-abot sa syudad kan bangging idto tanganing magsiyasat kan daga.

Josue 21:31

Helkat, asin an Rehob, kaiba an mga dagang pasabsaban.

Josue 3:1

Sunod na aldaw, amay na nagbangon an mga Israelita. Naghale sinda sa Sittim asin nagpasiring sa Jordan. Nagkampo sinda digdi bago nagbalyo.

Josue 5:10

Mantang nasa Gilgal an mga Israelita duman sa kapatagan na harani sa Jerico, nagselebrar sinda kan Paskwa sa banggi kan ikakatorseng aldaw kan bulan.

Hukom 18:14

Dangan an limang espiya na nagsiyasat kan daga sa palibot nin Lais, nagsabi sa saindang kairiba, “Aram nindo, an saro kan mga harong digdi igwa nin dios-dios na gibo sa kahoy na napapatos nin plata asin iba pang dios-dios patin sarong efod. Ano sa paghona nindo an dapat tang gibohon?”

Hukom 18:17

luminaog sa harong an limang espiya na nagsiyasat sa daga dangan kinua an dios-dios na gibo sa kahoy na napapatos nin plata, an iba pang dios-dios asin an efod. An padi yaon duman sa trangkahan kaiba an anom na gatos na armadong kalalakihan.

Hukom 18:2

Kaya nagpili sinda nin limang maiisog na lalaki hale sa gabos na pamilya kan tribu, dangan saindang sinugo hale sa mga banwa nin Zora saka Estaol tanganing maghanap nin daga. Pag-abot ninda sa mabulod na daga nin Efraim, nagdagos sinda sa harong ni Micas.