Josue 19:51 - Marahay na Bareta Biblia

⁵¹ An paghiras kan daga ginibo ni Eleazar na padi, ni Josue na aki ni Nun, asin kan mga lider kan mga pamilya kan mga tribu nin Israel sa paagi nin pagripa. Ginibo ninda ini sa Shilo, sa atubang nin Kagurangnan, sa may pintoan kan Tabernakulo. Sa paaging ini natapos ninda an paghiras kan daga.

Josue 19:51 ပူးပေါင်းရင်းမြစ်များ

Genesis 49:10

Dai mahahale an setro ki Juda, Asin sa mga kapagarakian niya, Sagkod na umabot an kagsadiri kaiyan Asin sa saiya makuyog an mga banwaan.

Salmo 78:60

Binayaan niya an saiyang tolda sa Shilo, an tolda na saiyang pinag-erokan kaiba kan mga tawo.

Mateo 20:23

Nagsabi si Jesus, “Iinomon nindo an sakong kalis, alagad bakong sako an pagpili kan matukaw sa too ko o sa wala ko, huli ta iyan para sa mga tinagamahan kan sakong Ama.”

Mateo 25:34

Dangan masabi an Hade sa mga tawo na nasa too niya, ‘Madya kamo, mga paladan kan sakong Ama! Lumaog kamo sa Kahadean na inandam para saindo poon na lalangon an kinaban.

Juan 17:2

Huli ta tinawan mo an Aki nin kapangyarihan sa gabos na tawo, tanganing magtao nin buhay na daing kataposan sa gabos na itinao mo saiya.

Mga Gibo 13:19

Pakatapos niyang rumpagon an pitong nasyon sa Canaan, an saindang daga itinao niya sa mga Israelita bilang pamana, sa laog nin haros kwatro syentos singkwentang taon.

Josue 14:1

An masunod iyo an istorya kun paano binanga sa mga Israelita an daga nin Canaan sa solnopan kan Salog nin Jordan. Binaranga idto sa mga tawo kan padi na si Eleazar, ni Josue na aki ni Nun, asin kan mga lider kan mga pamilya kan mga tribu nin Israel.

Josue 18:1

Kan masakop na ninda an daga, an bilog na Israel nagtiripon sa Shilo asin pinatindog duman an Tabernakulo nin Kagurangnan.

Josue 18:10

Nagripa si Josue tanganing hapoton an Kagurangnan para sainda. Dangan an lambang saro kan natatadang mga tribu tinawan niya kan kahirasan na daga.

Josue 20:1

Dangan tinaraman nin Kagurangnan si Josue

Hukom 21:19

Dangan nagsabi sinda, “Harani na an taonan na pagselebrar kan pyesta nin Kagurangnan sa Shilo.” (An Shilo nasa amihan kan Betel, sa habagat nin Lebona, asin sa sirangan kan dalan sa pagultanan kan Betel asin Shekem.)

Hukom 21:21

asin magmasid. Pagluwas kan mga daraga nin Shilo tanganing magsayaw sa pyesta, magluwas man kamo hale sa ubasan. Dangan mandakop nin agom an lambang saro saindo asin ipag-iba nindo sinda sa teritoryo ni Benjamin.

1 Samuel 1:3

Taon-taon, nagduduman si Elkana sa Shilo hale sa Rama, tanganing magsamba asin magdolot nin mga atang sa Kagurangnan nin mga hukbo. Si Hofni asin si Finehas na mga aking lalaki ni Eli, iyo an naglilingkod duman bilang mga padi nin Kagurangnan.